«كەل, بيلەيىك» قازاق ءبيى حورەوگرافيالىق بايقاۋىن وتكىزگەندە ۇلتتىق بيiمiزدiڭ باي ماعىناسىن, اسەرلi دە تارتىمدى كورiنiستەرiن جانداندىرۋ جانە جالپى بي ونەرiنiڭ مۇمكiندiگi مەن ءورiسiنىڭ وتە زور ءارi بيiك ەكەنىن العا تارتا وتىرىپ, ونىڭ جوعارى دارەجەدە وركەن جايۋىنا اتسالىسۋدى, كورەرمەنگە جەتكىزۋدى ماقسات تۇتتىق» دەيدى اۋليەكول اۋدانى اكىمدىگىنىڭ مادەنيەت جانە تىلدەردى دامىتۋ ءبولىمىنىڭ باس مامانى شولپان بالىقباەۆا.
بايقاۋعا اۋليەكول اۋدانىنداعى اۋىلداردان 5 ۇجىم قاتىستى. بايقاۋ باعدارلاماسىندا قازاق ءبيىنىڭ ءار ءتۇرلى باعىتتارى بويىنشا بي نۇسقالارى ۇسىنىلدى. بي ونەرىنىڭ قۇدىرەتىن سەزىنىپ, كيەلى ساحنانى قىزدىرعان بي ۇجىمدارى بىرىنەن ءبىرى اسىپ ءتۇسىپ, كورەرمەندەردى ءوز شەبەرلىكتەرىمەن, ونەرىمەن تاڭ قالدىردى. دەگەنمەن, بايگەنىڭ اتى – بايگە, ۇزدىكتەر انىقتالدى. قازاق ۇلتتىق ءبيىن ورىنداپ, ونەر كورسەتكەن موسكالەۆ اۋىلىنىڭ «اديەلتا» بي ۇجىمى 1 ورىن (جەتەكشىسى وكسانا ميسيۋرا), ق.تۇرعىنباەۆ اۋىلىنان «ادەمى–اي!» بي ۇجىمى 2 ورىن (جەتەكشىسى ايناش شينكەنتاەۆا), قۇسمۇرىن كەنتىنەن كەلگەن «اسار» بي ۇجىمى 3 ورىن (جەتەكشىسى ىبىشەۆا ەلميرا) الدى. سونىمەن قاتار لەسنوي اۋىلىنىڭ «اينالايىن» (جەتەكشىسى اسەل سىزدىقوۆا) مەن باعانالى اۋىلىنىڭ «يسكوركا» بي ۇجىمدارى (جەتەكشىسى يرينا ابراموۆا) ءىس-شاراعا بەلسەندى قاتىسىپ, العىس حاتتارمەن ماراپاتتالدى.
اۋليەكول اۋدانى اكىمدىگىنىڭ مادەنيەت جانە تىلدەردى دامىتۋ ءبولىمىنىڭ باسشىسى جىبەك توقاەۆا جوباعا قاتىسقان بي ۇجىمدارىنا ءوز العىسىن ءبىلدىردى.
«تۋعان حالقىنىڭ ونەرىن قۇرمەتتەۋگە, حالىق اراسىندا قازاق ۇلتتىق ءبيىنىڭ قۇندىلىعىن ارتتىرۋ, رۋحانياتتى ساقتاۋ جانە دامىتۋ ءبىزدىڭ باستى ماقساتىمىزدىڭ ءبىرى, بۇل الداعى ۋاقىتتا ءداستۇرلى جالعاسىن تاباتىن بولادى» دەدى جىبەك كاكىمجانقىزى.
قوستاناي
