«Kazakhstan Global Investment Roundtable 2019» فورۋم بارىسىندا اۋىل شارۋاشىلىعى ءمينيسترى ساپارحان وماروۆ «Beijing NAALE Industry Group» كومپانياسىنىڭ پرەزيدەنتى چجان تسي مىرزامەن كەزدەسۋ وتكىزدى.
تاراپتار پاۆلودار وبلىسىنداعى قانت زاۋىتىنىڭ قۇرىلىسى مەن اليۋميني بانكالارى ءوندىرىسىن تالقىلادى. قانت زاۋىتىنىڭ قۇرىلىسى 2020 جىلدىڭ ءساۋىر ايىنا, ال زاۋىتتىڭ ىسكە قوسىلۋى 2021 جىلدىڭ تامىز ايىنا جوسپارلانعان. جوبانىڭ قۇنى – 103 ملن اقش دوللارى. وندىرىستىك قۋاتى – جىلىنا دايىن ونىمنەن 100 مىڭ توننا جانە شيكىزات (قانت, قانت قىزىلشاسى) 700 مىڭ توننا. جوبانى جۇزەگە اسىرۋ ءۇشىن جەر تەلىمى رەزەرۆكە قويىلعان.
NAALE Group وكىلدەرىمەن جوبانى بىرلەسىپ ىسكە اسىرۋ ماسەلەلەرى بويىنشا كەزدەسۋ بۇرىن اۋىل شارۋاشىلىعى مينيسترلىگىندە, سونداي-اق پاۆلودار وبلىسىنىڭ اكىمدىگىندە وتكەنىن اتاپ وتكەن ءجون.
وتكىزىلگەن كەزدەسۋلەر قورىتىندىسى بويىنشا اۋىل شارۋاشىلىعى كووپەراتيۆىن قۇرۋ جوسپارلانۋدا, سودان كەيىن اعىمداعى جىلدىڭ 2-3 توقسانىندا قانت قىزىلشاسىن تاجىريبەلىك ەگۋ جوسپارلانۋدا. تەن ازىرلەۋگە كەلىسىم-شارتقا قول قويىلدى. قازىرگى ۋاقىتتا جوبانىڭ تەن جانە جسق دايىنداۋ بويىنشا جۇمىستار جۇرگىزىلىپ جاتىر.
