قازاقستان • 17 مامىر، 2019

بالاعا دا تولقۇجات قاجەت

938 رەت كورسەتىلدى

قازىرگى ۋاقىتتا ىشكى ىستەر مينيسترلىگى ەلىمىزدىڭ زاڭ­نامالارىنا 16 جاسقا دەيىنگى بالالاردىڭ اتا-انالارىمەن بىرگە شەتەلگە شىعۋ كەزىندە فوتوسۋرەتتەرىن ولاردىڭ ءتول­قۇجاتتارىنا جاپسىرۋ تالابىن الىپ تاستاۋ بويىنشا تۇزەتۋلەر ەنگىزۋدە.

قازاقستاندا بيومەتريالىق ءتول­قۇجاتتاردى بەرۋ (ەلەكتروندى چيپپەن) 2009 جىلدان باس­تالدى.

انا-انالاردىڭ تولقۇ­­جا­تى­نا بالالارى تۋرالى قول­مەن ەنگى­زىل­گەن جاز­بادا بيومە­تريالىق ءمالى­مەتتەر بولمايدى، سول سەبەپتەن شەكارادان ءوتۋ كەزىندە پروبلەمالار تۋىنداپ، كەي جاعدايدا ازاماتتار كەرى قايتارىلىپ جاتادى.

الەم بويىنشا قۇجاتتىق-ۆيزا­لىق باقىلاۋدان وتكىزۋ، جەكە باستى انىقتاۋ شارا­لارى جەتىلدىرىلۋدە جانە بيومە­تريا­­­­­لىق مالىمەتتەرى بار قۇجات­تار (تسيفرلى فوتوسۋرەتتەر، ساۋ­ساق تاڭ­بالارى، كوزدىڭ شاتىرشا قابى­عىنىڭ كەسكىنى جانە ت.ب.) ەنگى­زىلۋدە.

قازاقستاندىقتار كوپ باراتىن ەلدەردە (اقش، ۇلىبري­تانيا، ءباا، يتاليا، يسپانيا، فران­تسيا، چەحيا، سلوۆەنيا، حورۆاتيا، گرەتسيا، ۆەنگريا، پولشا، گەرمانيا، شۆەيتساريا، شۆەتسيا، قىتاي، وڭ­تۇستىك كورەيا جانە باسقالارى) سول مەملەكەتكە اتا-انالارىمەن كەل­گەن بالالاردىڭ تولقۇجاتى بولۋى مىندەتتى. ال اتا-انانىڭ ءتول­­قۇ­جاتىنا بالالاردىڭ فوتو­سۋرەت­تەرىن جاپسىرۋ قۇجات رە­تىن­دە مويىندالمايدى.

اتا-انالاردىڭ تولقۇجاتىنا فو­توسۋرەتتەردى جاپسىرۋدان باس تارتۋ ءبىرىنشى كەزەكتە شەتەلدە قيىن جاعدايدا تاپ بولۋى ءمۇم­كىن بالالاردى قورعاۋعا جانە ولاردى شەتەلگە زاڭسىز تاسىمال­داۋ تاۋەكەلدەرىنە بايلانىستى بولىپ وتىر.

بالالارعا تولقۇجات تەك شەتەلگە شىققاندا عانا قاجەت، رەس­پۋبليكا اۋماعىندا ونىڭ جە­كە باسى تۋى تۋرالى كۋالىك­پەن، ەرەسەك ازاماتتار جەكە كۋالى­گىمەن راستالادى.

قازىر جازعى دەمالىس جاقىن­داپ كەلەدى. وسىعان بايلانىستى ءىىم شەتەلگە بارۋدى جوس­پار­لاعان اتا-انالارعا باسقا مەملەكەتتىڭ شەكاراسىنان ەركىن ءوتۋ ءۇشىن وزدەرىمەن باراتىن بالا­لاردىڭ تولقۇجاتتارىن كۇنى بۇرىن راسىمدەۋگە كەڭەس بەرە­دى.

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار