09 مامىر، 2019

ريددەردە 4 مەترلىك مەرەكەلىك تورت ازىرلەندى

1219 رەتكورسەتىلدى

ۇلى جەڭىستىڭ 74 جىلدىعى ريددەر قالاسىندا دا جوعارى دەڭگەيدە اتالىپ ءوتىپ جاتىر.

 

ۇلى جەڭىستىڭ 74 جىلدىعى ريددەر قالاسىندا دا جوعارى دەڭگەيدە اتالىپ ءوتىپ جاتىر. كەنشىلەر شاھارىنداعى شارالار لەگى كەڭەس وداعىنىڭ باتىرى تولەگەن توقتاروۆ ەسكەرتكىشىنىڭ الدىندا پاتريوتتىق اكتسيادان باستالدى. 

سالتاناتتى شارا داڭق ەسكەرتكىشىنىڭ ماڭىندا ءوتىپ، قالا اكىمى جومارت مۇراتوۆ، قالالىق ءماسليحات حاتشىسى يگور پانچەنكو، ارداگەرلەر كەڭەسىنىڭ توراعاسى  ولگا مارتىنەنكو جۇرتشىلىقتى مەرەكەمەن قۇتتىقتاپ، ماڭگىلىك الاۋعا گۇل شوقتارىن قويدى.

سونىمەن قاتار ريددەرلىكتەر جىلداعى ءداستۇر بويىنشا مەرەكەلىك تورتتان ءدام تاتتى. قالانىڭ كاسىپكەرلەرىنىڭ قولداۋىمەن وسىمەن 5 جىل قاتارىنان ازىرلەنگەن تورتتىڭ سالماعى 74 كەلى، ۇزىندىعى 4 مەتر، ەنى 80 سم بولدى.

سونداي-اق، جاستار رەسۋرستىق ورتالىعى مەن "Subaru family"  اۆتوكلۋبنىڭ بىرلەسۋىمەن اۆتوپروبەگ ۇيىمداستىرىلدى.

« ۇلى وتان سوعىسىنىڭ بارلىق ارداگەرلەرىنىڭ ۇيىنە بارىپ، ارنايى قۇتتىقتادىق. ۇلى جەڭىستىڭ 74 جىلدىعى قۇتتى بولسىن»، - دەيدى ريددەر قالالىق ىشكى ساياسات ءبولىمىنىڭ باسشىسى انار ورالقىزى.

ريددەر

سوڭعى جاڭالىقتار

ۇقساس جاڭالىقتار