ايماقتار • 09 مامىر، 2019

جامبىل وڭىرىندە ۇلى جەڭىس مەرەكەسى اتالىپ ءوتتى

1066 رەت كورسەتىلدى

9 مامىر – ۇلى جەڭىس مەرەكەسى اۋليەاتا وڭىرىندە كەڭ كولەمدە اتالىپ ءوتتى.

اۋەلى ۇلى وتان سوعىسىنىڭ قاھارماندارى اعادىل سۋحامباەۆ، ىبىرايىم سۇلەيمەنوۆ ەسكەرتكىشتەرىنە، تاراز قالاسىنداعى «قاراسۋ» ىقشاماۋدانىنداعى ەسكەرتكىشكە، زويا كوسمودەميانسكايا، تايىر تاستانديەۆ ەسكەرتكىشتەرىنە، سونىمەن قاتار «قۇمشاعال» ايماعىنداعى ەسكەرتكىش پەن «قانت زاۋىتى» كەنتىندەگى وبەليسكىگە گۇل شوقتارى قويىلدى. مايدان كورگەن قاريالار مەن ەڭبەك ارداگەرلەرى، سونىمەن قاتار جاستار جەڭىس كۇنىن جاقىنداتقان جاۋىنگەرلەردىڭ رۋحىنا تاعزىم ەتىپ، ەرلىكتەرىن ەسكە الدى.

بۇدان كەيىن «قاھارمان ۇلت – بەسسمەرتنىي پولك» شەرۋى كەڭەس وداعىنىڭ باتىرى اعادىل سۋحامباەۆ ەسكەرتكىشىنەن دىنمۇحامەد قوناەۆ كوشەسى مەن ءى.جانسۇگىروۆ كوشەسى ارقىلى باۋىرجان مومىش ۇلى ساياباعىنداعى «ەرلىك» مەموريالدى كەشەنىنە دەيىن ءجۇرىپ ءوتتى. شەرۋگە 2000-نان استام تاراز قالاسىنىڭ تۇرعىندارى قاتىستى. ۇلى جەڭىس كۇنى مەرەكەسىنە وراي، اتالعان ساياباقتاعى «ماڭگىلىك الاۋعا» جانە داڭقتى باتىر باۋىرجان مومىش ۇلىنىڭ ەسكەرتكىشىنە سالتاناتتى گۇل قويۋ ءراسىمى ءوتتى.

وتكەن جىلى ۇلى جەڭىس كۇنى جامبىلدىقتاردىڭ ەسىندە ماڭگىلىك ەستەلىك بولىپ قالعانى شىن. تاراز قالاسىنداعى بۇرىنعى «جەڭىس» ساياباعى قايتا جاڭعىرتىلىپ، باۋىرجان مومىش ۇلى ساياباعى بولىپ اتالدى. سونىمەن قاتار، اتالعان ساياباقتان «ەرلىك» مەموريالدىق كەشەنى اشىلىپ، «داڭق» اللەياسى بوي كوتەردى. باۋىرجان مومىش ۇلىنىڭ ەسكەرتكىشى ورناتىلدى. ال، بيىل ۇلى وتان سوعىسىندا ەرلىكتىڭ وشپەس ونەگەسىن كورسەتكەن ارداگەرلەرگە ارنالىپ «داڭق» زالى اشىلدى. زالدىڭ اشىلۋ سالتاناتىندا ۇلى وتان سوعىسىنىڭ ارداگەرى، جامبىل وبلىسىنىڭ قۇرمەتتى ازاماتى تىلەۋقابىل تورەبەك ۇلى، ەڭبەك ارداگەرى اناتولي پانتەلەيمونوۆيچ، باۋىرجان مومىش ۇلىنىڭ كەلىنى زەينەپ احمەتوۆا، قازاقستان رەسپۋبليكاسى مەملەكەتتىك سىيلىعىنىڭ يەگەرى، عالىم مەكەمتاس مىرزاحمەت ۇلى ءسوز سويلەدى. ايتا كەتەيىك، «داڭق» زالىنىڭ ەسكيزدىك جوباسىن «Archi-Grup» جاۋاپكەرشىلىگى شەكتەۋلى سەرىكتەستىگى ازىرلەگەن بولاتىن. اتالعان مۇراجاي باۋىرجان مومىش ۇلى اتىنداعى «جەڭىس» ساياباعىندا ورنالاسقان جانە جالپى اۋماعى 16 گەكتاردى قۇرايدى. نىسانعا جەر شارىنىڭ 80 پايىزىن قامتىعان ۇلى وتان سوعىسى مەن اۋعان سوعىسى جىلدارىن بەينەلەيتىن ەكسپوناتتار قويىلعان. اتالعان مۇراجاي 1939 جىلدىڭ 1 قىركۇيەگىنەن باستالىپ 1945 جىلدىڭ 2 قىركۇيەگىندە اياقتالعان قان مايداننان كورىنىس بەرەتىن، مول ماعلۇماتتار الاتىن ورداعا اينالىپ، جاستارعا ونەگە بەرەتىن ورداعا اينالادى. سونىمەن قاتار، «باۋىرجانتانۋ» ورتالىعى دا وسى مۇراجايدا ورنالاساتىن بولادى. ال، ۇلى جەڭىس مەرەكەسى كۇنى ارداگەرلەر مەن تىل ەڭبەككەرلەرىنە ارنالىپ «سولدات بوتقاسى» داستارحانى جايىلىپ، كونتسەرتتىك باعدارلاما ۇيىمداستىرىلدى.

ۇلى جەڭىس ءاربىر مايدانگەردىڭ ەرلىگىن ايعاقتايتىن ۇلى كۇن. سول ءبىر قارالى جىلدارى جامبىل وبلىسىنان قان مايدانعا 120 مىڭنان استام جاۋىنگەر اتتانعان ەكەن. تاعدىردىڭ جازۋىمەن 32 مىڭ جاۋىنگەر تۋعان توپىراعىنا ورالعان جوق. ەندى سول ءبىر الماعايىپ زاماندا وتان ءۇشىن وت كەشكەن، شاھيت بولعان باتىرلاردى ەسكە الۋ، ولاردىڭ ەرلىگىن دارىپتەۋ بۇگىنگى ۇرپاقتىڭ مىندەتى. مايداندا ەرەن ەرلىك كورسەتكەن 39 جامبىلدىق كەڭەس وداعىنىڭ باتىرى اتانسا، 9 جەرلەسىمىز «داڭق» وردەنىنىڭ تولىق يەگەرى اتاندى. بۇگىنگى تاڭدا 75 ارداگەر ورتامىزدا ءجۇر. ۇلى جەڭىس مەرەكەسى قارساڭىندا جامبىل وبلىسىنىڭ اكىمى اسقار مىرزاحمەتوۆ ءاربىر مايدانگەردىڭ ۇيىندە بولىپ، ولاردى مەرەكەسىمەن قۇتتىقتاعان بولاتىن. سونىمەن قاتار، جامبىلدىقاربىر مايدانگەرگە 300 مىڭ تەڭگەدەن بەرىلدى.

 

جامبىل وبلىسى

 

 

   

       

   

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار