«قازىرگى كەزدە قر-نىڭ قارۋلى كۇشتەرى قاتارىندا قىزمەت ەتۋ – ءاربىر قازاقستاندىقتىڭ قۇرمەتتى مىندەتىنە اينالدى. اقتوبەلىكتەر بۇگىنگى كۇنى وتانىمىزدىڭ قورعانىس قابىلەتىن نىعايتۋعا, قازاقستان حالقىنىڭ يگىلىگى مەن بەيبىتشىلىكتى قورعاۋعا لايىقتى ۇلەسىن قوسۋدا. قارۋلى كۇشتەردىڭ قاتارىنا جىل سايىن 2 مىڭنان استام اقتوبەلىك شاقىرىلىپ, ەرلىك پەن باتىرلىق مەكتەبىندە شىڭدالۋدا. «تاۋەلسىزدىككە قول جەتكىزگەننەن گورى ونى ۇستاپ تۇرۋ الدەقايدا قيىن»- دەگەن تۇڭعىش پرەزيدەنت ءسوزىنىڭ ماعىناسى وتە تەرەڭدە جاتىر. الەمنىڭ ءار تۇكپىرىندە ءتۇرلى قۇبىلىستار مەن ءوزارا الاۋىزدىق ورىن الىپ جاتقان ۋاقىتتا ەلىمىزدىڭ قورعانىس قابىلەتى مەن اسكەري دوكتريناسىن كۇشەيتۋ وتە ماڭىزدى. ۇلتتىق سالت-ءداستۇرىمىز بەن زاماناۋي ۇردىستەردى ۇيلەسىمدى ساباقتاستىرىپ, ۇلاندارىمىزدى پاتريوتتىق رۋحتا, ادال, قايسار مىنەزدى سارباز ەتىپ تاربيەلەۋ – ءبىزدىڭ مىندەتىمىز.قادىرلى ارداگەرلەر, وفيتسەرلەر مەن جاۋىنگەرلەر, جەرلەستەر, سىزدەردى ەلدىك پەن ەرلىكتىڭ تىرەگى بولىپ تابىلاتىن وتان قورعاۋشىلار كۇنى مەرەكەسىمەن شىن جۇرەكتەن قۇتتىقتايمىن», دەدى وڭداسىن سەيىل ۇلى.
سونىمەن قاتار, ايماق باسشىسى اسكەري سالادا قىزمەت اتقارىپ جۇرگەن 10 ازاماتتى العىس حاتپەن ماراپاتتاپ, 5 ازاماتقا پاتەر كىلتىن تاپسىردى.
مەرەكەلىك جيىن ءوڭىردىڭ ونەرپازدارى ۇيىمداستىرعان كونتسەرتتىك باعدارلاماعا ۇلاستى.
