ايماقتار • 08 مامىر، 2019

تاراز قالاسىندا 100 پاتەر پايدالانۋعا بەرىلدى

845 رەت كورسەتىلدى

وتان قورعاۋشىلار كۇنى مەرەكەسىنە وراي تاراز قالاسىنداعى «بايتەرەك» ىقشاماۋدانىنان 100 پاتەرلى ارەندالىق-كوممۋنالدىق كوپقاباتتى تۇرعىن ءۇي پايدالانۋعا بەرىلدى. باسپانالى بولعاندار قاتارىندا ۇلى وتان سوعىسىنىڭ ارداگەرلەرى، جەتىم بالالار، الەۋمەتتىك از قامتىلعان وتباسىلار مەن مەملەكەتتىك جانە بيۋدجەتتىك ۇيىم قىزمەتكەرلەرى بار. جامبىل وبلىسىنىڭ اكىمى اسقار مىرزاحمەتوۆ ازاماتتارعا پاتەر كىلتىن تابىستاپ، باسپانالى بولعان تۇرعىنداردى قۇتتىقتادى.

«وبلىس كولەمىندە ءاربىر مەرەكە قارساڭىندا جاڭا نىسانداردى پايدالانۋعا بەرۋ، حالىققا پاتەر كىلتىن تابىستاۋ سياقتى يگى شارالار داستۇرگە اينالدى. 8 ناۋرىز مەرەكەسىنە وراي جاڭاتاس قالاسىندا 60 وتباسىنا پاتەر كىلتى تاپسىرىلسا، 1 مامىر مەرەكەسىندە تاراز جانە قاراتاۋ قالالارىندا بارلىعى 120 پاتەر تاپسىرىلدى. ونىڭ ىشىندە، 57 پاتەر كوپبالالى وتباسىنا بەرىلدى. بۇگىن وسى يگى ءۇردىس جالعاسىن تاۋىپ، تاعى 80 پاتەر بەرىلىپ وتىر. ونىڭ ىشىندە 35 پاتەر كوپبالالى وتباسىنا ءبولىنىپ وتىر»، دەدى اكىم ءوز سوزىندە.

بۇگىن پايدالانۋعا بەرىلگەن تۇرعىن ءۇي مەملەكەتتىك «نۇرلى جەر» باعدارلاماسى اياسىندا وتكەن جىلى سالىنعان بولاتىن. نىسان قۇرىلىسىن مەردىگەر «اگروسپەتسستروي» جاۋاپكەرشىلىگى شەكتەۋلى سەرىكتەستىگى جۇرگىزگەن. اتالعان كوپقاباتتى تۇرعىن ءۇي الەۋمەتتىك جاعىنان از قورعالعان توپتاردىڭ ازاماتتارىنا جەكەشەلەندىرۋ قۇقىعىنسىز بەرىلىپ وتىر جانە ارەندالىق ايلىق تولەم كورسەتكىشى 5500-6000 تەڭگە كولەمىندە بەلگىلەنگەن. ايتا كەتەيىك، «بايتەرەك» ىقشاماۋدانىندا ورنالاسقان بۇل №26 ۇيدەگى 20 پاتەر اعىمداعى جىلى اقپان ايىندا «مىڭبۇلاق» اۋدانىنداعى №62 ۇيدە جارىلىس كەزىندە زارداپ شەككەندەرگە ۋاقىتشا قونىستانۋعا بەرىلگەن بولاتىن. ال، بۇگىن مۇنداعى 80 پاتەردىڭ كىلتى تۇرعىن ءۇي الۋ كەزەگىنە تىركەلگەن ازاماتتارعا تابىستالدى.

جامبىل وبلىسى

     

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار