كومبينات اقتاۋ قالاسى مەن جاقىن ماڭداعى كەنتتەردىڭ تۇرعىندارىن, سونداي-اق ءوڭىردىڭ ونەركاسىپتىك كاسىپورىندارىن اۋىز سۋمەن جانە شارۋاشىلىق سۋمەن, جىلۋمەن جانە ەلەكتر ەنەرگياسىمەن جابدىقتايدى.
كومبيناتتا بۇگىندە 4000-عا جۋىق جۇمىسشى مەن ماماندار جۇمىس ىستەيدى. قازىرگى ۋاقىتتا كومبينات 600 مۆت-تان استام ەلەكتر قۋاتىمەن جۇمىس ىستەۋ جانە تاۋلىگىنە 60 مىڭ تەكشە مەتردەن استام ديستيلليات شىعارۋ مۇمكىندىگى بار.
حالىق قالاۋلىلارى نەگىزگى باسىم باعىتتارعا, ونىڭ ىشىندە الەۋمەتتىك قامسىزداندىرۋ سالاسىنا باسا نازار اۋدارىپ, ازاماتتاردىڭ ءال-اۋقاتىن جاقسارتۋعا ەرەكشە ءمان بەرىلىپ كەلە جاتقاندىعىن العا تارتتى.
اسىرەسە, تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆتىڭ حالىقتى الەۋمەتتىك قولداۋ ماسەلەرىنە باعىتتالعان باستامالارىن زاڭ جاعىنان قولداۋ جۇمىستارى جونىندە كەڭىنەن باياندادى. كەزدەسۋدە ەڭبەك ۇجىمى حالىق قالاۋلىلارىنا ءوز ۇسىنىستارىن ءبىلدىرىپ, پىكىر الماستى.
- بارلىعى بىلەدى, ماڭعىستاۋ – مۇنايلى ولكە. تۇرعىنداردىڭ باسىم بولىگى مۇناي سالاسىنا جۇمىسقا تۇرعىسى كەلەدى. ارينە, بارلىعىنا بىردەي جالاقىسى جوعارى جۇمىس تاۋىپ بەرۋ قيىن. سول سەبەپتى باسقا سالالارعا دا كوڭىل اۋدارۋ قاجەت,- دەدى ءماجىلىس دەپۋتاتى ساكەن وتەباەۆ ءوز سوزىندە.
ودان ءارى دەپۋتاتتار باسقا دا كاسىپورىنداردا بولىپ, تۇرعىنداردى جەكە سۇراقتامەن قابىلدادى.
