وڭىردە جىل باسىنان بەرى 18 مال ۇرلىعى تىركەلگەن. قىلمىستىڭ بۇل ءتۇرى ەرەكشە باقىلاۋعا الىنعانىمەن, ەركىنسىپ العان بارىمتاشىلاردىڭ سەسكەنەر ءتۇرى بايقالمايدى.
«تاڭبا قويۋ جانە سىرعا تاعۋ جۇمىستارى قىلمىستاردى اشۋعا بەلگىلى دارەجەدە ىقپال ەتكەنىمەن جەتكىلىكسىز. سوندىقتان مال ۇرلاۋشىلارعا قارسى كەشەندى ء ىس-قيمىل شارالارىن ۇيىمداستىرۋدى بەلگىلەپ وتىرمىز»,- دەيدى كريمينالدىق پوليتسيا باسقارماسىنىڭ باستىعى پەتر كليموۆ.
ايىرتاۋ اۋدانىندا پوليتسيا قىزمەتكەرلەرى جەڭىل اۆتوكولىكتىڭ جۇكسالعىشىنا ەكى بۇزاۋدى تيەپ, اكەتىپ بارا جاتقان ەكى ادامدى ۇستاعان. ءۋاليحانوۆ اۋدانى تۇرعىندارىنىڭ قوراداعى مالدارىن قولدى ەتىپ, ەكى اي بويى تىنىشتىق بەرمەگەن ءتورت ادام قۇرىقتالعان.
جەدەل ۋاكىلدەردىڭ ايتۋىنشا, بەلگى سالىنعان مالدى تاسىمالداۋ ۇرلىقشىلارعا وڭاي سوقپايدى. دەرەكتەر بازاسى ارقىلى تاسىمالدانىپ جاتقان سيىرلار مەن جىلقىلاردى تەكسەرىپ, يەلەرىن تەز-اق انىقتايدى. ەندى باقتاشى, جەرگىلىكتى اتقارۋشى ورگان جانە مال يەلەرى اراسىندا ۇشجاقتى كەلىسىم- شارت جاساۋ ارقىلى ارقايسىسىنىڭ جاۋاپكەرشىلىگىن ارتتىرۋ كوزدەلگەن. بۇدان بىلاي باقتاشىلاردىڭ مالدى قاراۋسىز قالدىراتىن جاعدايلارى سەيىلەدى دەگەن سەنىم زور.
سوڭعى كەزدە اۋداندىق پوليتسيا بولىمدەرىنىڭ قىزمەتكەرلەرى كۆادروكوپتەرلەر كومەگىنە جۇگىنە باستادى. ۇرلانعان جانە جوعالعان مالدى ىزدەۋ ءۇشىن درونداردى قولدانۋ بىردەن-ءبىر ءتيىمدى ءادىس بولىپ تابىلادى. اتالعان اپپاراتتاردى ساتىپ الۋعا ءتيىستى قاراجات قاراستىرىلعان, دەيدى ولار.
