26 ناۋرىزدا ەلوردادا ءىرى جول-كولىك وقيعاسى ورىن العان ەدى.
«استانا LRT» جشس مەن «№1 اۆتوبۋس پاركى» اق وكىلدەرى اۋرۋحانادا جاتقان زارداپ شەككەندەرگە بارىپ, تولەمدەر بويىنشا قاجەتتى اقپارات بەردى.
«استانا LRT» كومپانياسىندا مالىمدەگەندەي, بۇدان بۇرىن «№1 اۆتوبۋس پاركى» اق زارداپ شەككەندەرگە وتەماقى تولەيتىن ساقتاندىرۋ كومپانياسىمەن شارت جاساسقان بولاتىن. الايدا تولەمدەردى الۋ تەك سوت شەشىمىنەن كەيىن جۇزەگە اسادى. قازىرگى ۋاقىتتا تەرگەۋ امالدارى جۇرگىزىلۋدە. سوت شەشىمى شىققاننان كەيىن زارداپ شەككەندەرگە وتەماقى تولەنەدى.
قازىر زارداپ شەككەندەر نەمەسە ولاردىڭ وكىلدەرى قۇزىرەتتى ماماندارعا جۇگىنە الادى.
«ەگەر ءسىز №53, № 12 مارشرۋتتاردىڭ جولاۋشىسى نەمەسە جكو قاتىسۋشىلارى بولعان جەڭىل اۆتوموبيلدەردىڭ يەسى/جولاۋشىسى بولساڭىز, وندا سىزگە سارايشىق كوشەسى, 5, «لازۋرنىي كۆارتال» تك مەكەنجايى بويىنشا ورنالاسقان Nomad Insurance ساقتاندىرۋ كومپانياسىنا ءوز بەتىڭىزشە حابارلاسۋ قاجەت.
ەگەر ءسىز № 301 باعىتتاعى اۆتوبۋستىڭ جولاۋشىسى بولساڭىز, وندا ءسىز №1 اۆتوبۋس پاركىنىڭ زاڭ بولىمىنە xابارلاسۋىڭىز قاجەت. مەكەنجايى: پۋشكين كوشەسى, 37/2, 209 كاب. جۇمىس كەستەسى: ساعات 9:00-دەن 18:00-گە دەيىن, تۇسكى ءۇزىلىس ساعات 13:00-دەن 14:00-گە دەيىن.
بۇل رەتتە مىناداي قۇجاتتاردى ۇسىنۋ مىندەت: جەكە كۋالىك, ەگەر زارداپ شەككەن ادامنىڭ وكىلى جۇگىنگەن جاعدايدا, مۇددەلەردى بىلدىرۋگە سەنىمحات (نوتاريالدى كۋالاندىرىلعان), بيلەت نەمەسە كولىك كارتاسىنىڭ ءنومىرى بويىنشا جول ءجۇرۋدى ناقتىلاۋ. ناقتىلانعان اقپاراتتى «استانا LRت» جشس-دە الدىن الا الۋ كەرەك.
«اتالعان مەكەنجاي بويىنشا زارداپ شەككەندەر بارلىق سۇراقتار بويىنشا كەڭەس الا الادى», – دەلىنگەن كومپانيانىڭ حابارلاماسىندا.
