وبلىستىق ءماسليحاتتىڭ كەزەكتى سەسسياسىندا ءسوز العان قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتىنىڭ باسشىسى ابزال مۇحيموۆ اتقارىلىپ جاتقان جۇمىستار تۋرالى باياندادى. جيىندا سىبايلاس جەمقورلىققا قارسى ءىس-قيمىل تۋرالى ۇلتتىق بايانداما تالقىلاندى.
- تۇرمىستىق جەمقورلىقتى جويۋدىڭ تاعى ءبىر جولى - مەملەكەتتىك كورسەتىلەتىن قىزمەتتەردى ەلەكتروندىق فورماتقا كوشىرۋ. 2018 جىلى ەلەكتروندىق تۇردە كورسەتۋ مۇمكىندىگى بولا تۇرا, قاعاز تۇرىندە كورسەتىلگەن 196 مىڭنان استام قىزمەتتىڭ 99 پايىزى ءبىلىم, دەنساۋلىق ساقتاۋ جانە الەۋمەتتىك سالاعا تيەسىلى بولىپ وتىر. اتالعان سالالاردا تۇرمىستىق جەمقورلىق كورىنىستەرى ءجيى كەزدەسەتىندىگىن ەسكەرە وتىرىپ, وسى سالالاردا كورسەتىلەتىن مەملەكەتتىك قىزمەتتەردى كەزەڭ-كەزەڭىمەن 100 پايىز ەلەكتروندىق فورماتقا جەتكىزۋدى ۇسىنامىز.
قازىرگى ۋاقىتتا اۋىل اكىمدىكتەرى مەن حالىقپەن تىعىز جۇمىس جاسايتىن جۇمىسپەن قامتۋ جانە الەۋمەتتىك باعدارلامالار بولىمدەرى عيماراتتارىنىڭ كوپشىلىگى ەسكى عيماراتتار. وسى ەسكى عيماراتتاردى جاڭارتىپ, قۇرىلىس جۇرگىزۋ بارىسىندا «Open space» فورماتىنا كوشىرۋ ماقساتىندا قارجى ءبولۋ مۇمكىندىگىن قاراستىرۋلارىڭىزدى سۇرايمىز. سونىمەن قاتار, حالىققا قولايلى جاعداي جاساۋ ءۇشىن وبلىستىق ماسليحاتتا حالىقتىڭ ارىز-شاعىمى مەن تىلەكتەرىن كەدەرگىسىز قارايتىن فرونت-وفيس اشۋدى ۇسىنامىز. فرونت-وفيستە ازاماتتار حالىق قالاۋلىلارىمەن كەزدەسىپ, تىلەك تالاپتارىن بىلدىرەتىن اشىق الاڭعا اينالادى دەگەن سەنىمدەمىز, - دەدى ول.
بيىل بالالاردى مەكتەپكە قابىلداۋ, تەگىن تاسىمالداۋ, لاگەرگە جولداما بەرۋ, ارنايى ءبىلىم بەرۋ ۇيىمدارىنا قابىلداۋ, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىنا قۇجاتتار قابىلداۋ جانە ت.ب. ءبىلىم بەرۋ سالاسىنداعى 12 قىزمەت تولىق ەلەكتروندى فورماتقا كوشىرىلەتىن بولدى. بۇل ماقساتقا جەرگىلىكتى بيۋدجەتتەن 50 ملن. تەڭگەگە جۋىق قارجى ءبولۋ كوزدەلىپ وتىر.
