سانيتارلىق اۆياتسيا مىنانداي جاعدايدا شۇعىل مەديتسينالىق كومەك كورسەتتى: بالالار پاتولوگياسى – 24,3%, قان اينالىمى جۇيەسى اۋرۋلارى – 24,2%, جاراقات, جازاتايىم وقيعالار مەن ۋلانۋ (سونىڭ ىشىندە جكو) – 17,5%, جاڭا تۋعان نارەستەلەر پاتولوگياسى – 14%, اكۋشەرلىك-گينەكولوگيالىق پاتولوگيا – 11,4% جانە باسقا اۋرۋلار – 8,6% .
سانيتارلىق اۆياتسيا قىزمەتىنىڭ نەگىزگى مىندەتى - ەلىمىزدىڭ شالعاي اۋداندارىندا تۇراتىن حالىققا ۋاقىتىلى جانە ساپالى مەديتسينالىق كومەك كورسەتۋ.
ناۋقاس تۇراتىن وڭىردەگى اۋرۋحانادا مەديتسينالىق جابدىق نەمەسە بىلىكتى مامان بولماعان جاعدايدا ساناۆياتسيا قىزمەتىنىڭ ۇشاعى شاقىرتىلادى.
2019 جىلى 1 ساۋىردە ماڭعىستاۋ وبلىسىندا جول-كولىك وقيعاسىنان زارداپ شەككەن ايەلگە سانيتارلىق اۆياتسيالىق كومەك كورسەتىلدى. پاتسيەنت كەشەندى ەم الۋ ءۇشىن ماڭعىستاۋ وبلىستىق اۋرۋحاناسىنان نۇر-سۇلتانداعى № 1 قالالىق اۋرۋحاناعا جەتكىزىلدى.
سانيتارلىق اۆياتسيالىق قىزمەت ناۋقاس تۇراتىن ايماقتاعى مەديتسينالىق مەكەمەدە جابدىق, ماماندار جوق بولسا, ادامعا شۇعىل مەديتسينالىق كومەك كورسەتۋ مۇمكىن بولماعان جاعدايدا, توتەنشە وقيعا ورىن السا, مەديتسينالىق ەۆاكۋاتسيا كەزىندە, پاتسيەنتتى رەسپۋبليكالىق نەمەسە قالالىق ەمحانا, اۋرۋحاناعا جەتكىزۋ ماقساتىندا, شەتەلدە اۋىر حالدە جاتقان ەل ازاماتتارىن تاسىمالداۋ ءۇشىن پايدالانىلادى.
