سايلاۋ • 24 ءساۋىر، 2019

«اق جول» پارتياسىنان سايلاۋعا قاتىساتىن كانديدات بەلگىلى بولدى

798 رەت كورسەتىلدى

بۇگىن «اق جول» دەموكراتيالىق پارتياسىنىڭ كەزەكتەن تىس XV قۇرىلتايى دانيا ەسپاەۆانى رەسمي تۇردە پرەزيدەنتتىككە ۇمىتكەر رەتىندە بەكىتتى، دەپ حابارلايدى قازاقپارات ءتىلشىسى.


قۇرىلتاي دەلەگاتتارى اشىق جانە قۇپيا داۋىس بەرۋ ارقىلى ءوز تاڭداۋىن جاسادى. بۇعان دەيىن «اق جول» پارتياسىنىڭ اتىنان 6 ادام پرەزيدەنت سايلاۋىنا قاتىسۋعا نيەتتى بولعان. 13 ساۋىردە «اق جول» پارتياسى ورتالىق كەڭەسىنىڭ پلەنۋمى پرەزيدەنت سايلاۋىنا ۇمىتكەرلەردى انىقتاي المادى. 

وسى ۋاقىتقا دەيىن ءتورت ادام - وسكەمەن قالالىق ءماسليحاتىنىڭ دەپۋتاتى قۋات راحىمبەردين، تاراز قالالىق ءماسليحاتىنىڭ دەپۋتاتى اسان قوشمامبەتوۆ، اتىراۋ وبلىستىق فيليالىنىڭ وكىلى سەرىك ەرۋباەۆ جانە سكو فيليالىنىڭ توراعاسى ەۆگەني كينتسەل ءوز كانديداتۋراسىن ۇسىنعان بولاتىن. بەرتىن كەلە ولارعا قر پارلامەنت ءماجىلىسىنىڭ دەپۋتاتى دانيا ەسپاەۆا مەن قازاقستان قۇرىلىسشىلار وداعىنىڭ توراعاسى تالعات ەرعاليەۆ قوسىلدى.

 بۇگىن بارلىق ۇمىتكەرلەر وزدەرىنىڭ بەينەبايانىن كورسەتىپ، سايلاۋالدى ۇستانىمدارىن جاريالادى. سونداي-اق، دەلەگاتتاردىڭ سۇراقتارىنا جاۋاپ بەردى. ال داۋىس بەرۋ كەزىندە 190 دەلەگاتتىڭ 49،5 پروتسەنتى دەپۋتات دانيا ەسپاەۆانىڭ كانديداتۋراسىن قولدادى. 

بىراق كانديداتتىڭ داۋىسى 50 پروتسەنتتەن اسۋى كەرەك. وسىدان كەيىن پرەزيديۋم مۇشەلەرى كەڭەسىپ، ەكىنشى تۋردى وتكىزبەۋ جونىندە شەشىم قابىلدادى. سەبەبى د.ەسپاەۆانىڭ باسىمدىعى ايقىن بولدى. دەلەگاتتار اتالعان شەشىمدى قولدادى. ءسويتىپ، دانيا ەسپاەۆا پارتيانىڭ اتىنان پرەزيدەنت سايلاۋىنا كانديدات رەتىندە بەكىتىلدى.  


سوڭعى جاڭالىقتار

قاي سالادا جالاقى ءوستى؟

ەكونوميكا • كەشە

رەسەي ازاماتتارى العىس ايتتى

ايماقتار • 26 اقپان، 2021

ۇقساس جاڭالىقتار