رۋحانيات • 24 ءساۋىر، 2019

تۇركىستان وبلىسىندا ءۇش بيگە ەسكەرتكىش ورناتىلادى

812 رەت كورسەتىلدى

ۇلى دالا دانالارىنىڭ ءبىرى - ايتەكە بي بايبەك ۇلىنىڭ 375 جىلدىق مەرەيتويىنا وراي، تۇركىستان وبلىسىندا ۇلتتىڭ ۇلى بيلەرى تولە بي، قازىبەك بي، ايتەكە بيلەرگە ەسكەرتكىش ورناتىلادى.

حالىقارالىق «جەتى جارعى» جانە «قوجابەرگەن جىراۋ» قايىرىمدىلىق قورى تۇركىستان وبلىسى، قازىعۇرت اۋدانىندا شىمكەنت – تاشكەنت حالىقارالىق كۇرە جولىنىڭ بويىنداعى «بابالار رۋحىنا تاعزىم» كەشەنىنە ۇلتىمىزدىڭ ۇلى بيلەرى تولە بي، قازىبەك بي، ايتەكە بيلەرگە بيىك تاس تۇعىر ۇستىندەگى ايبىندى ەسكەرتكىشتەرىن ورناتتى. ەسكەرتكىش مادەنيەت جانە سپورت مينيسترلىگىنىڭ ارنايى كوميسسياسىنىڭ شەشىمىنە سايكەس، قۇزىرلى ورگاننىڭ بۇيرىعىمەن بەكىتىلدى.

ەسكەرتكىشتىڭ اشىلۋىنا تۇركىستان وبلىسىنىڭ اكىمى ومىرزاق شۇكەەۆ، «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ ورتالىق كەڭەسىنىڭ توراعاسى، ءماجىلىس جانە سەنات دەپۋتاتتارى، مەملەكەتتىك ورگانداردىڭ وكىلدەرى، قوعام قايراتكەرلەرى، زيالى قاۋىم وكىلدەرى مەن وبلىس جۇرتشىلىعى قاتىسادى. رەسپۋبليكاعا ەڭبەگى سىڭگەن تانىمال انشىلەردىڭ كونتسەرتتىك باعدارلاماسىمەن، ۇلتتىق سپورت ويىندارىمەن جالعاسىپ، ۇلى بيلەرگە ارنالعان اس بەرىلەدى.

«جاستار ساياباعىنا» ەسكەرتكىشتى ورناتۋ يدەياسىن ويلاستىرىپ، تۇعىرىنا قوندىرعان – ۇلتجاندى ازامات، زاڭ عىلىمدارىنىڭ دوكتورى، پروفەسسور بەكەت تۇرعاراەۆ.  بىلتىر وسى «بابالار رۋحىنا تاعزىم» كەشەنىنە وربۇلاق شايقاسى جەڭىسىنىڭ 375 جىلدىق مەرەيتويىنا وراي ۇلى جەڭىستىڭ قاھارماندارى سالقام جاڭگىر حان مەن ءجالاڭتوس باھادۇرگە ارناپ، ەكەۋىنىڭ ات ۇستىندەگى ايبىندى ەسكەرتكىشى ورناتىلعان بولاتىن.

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار