ايماقتار • 24 ءساۋىر، 2019

شىمكەنت مەكتەپتەرىندە جەر سىلكىنىسىنەن ساقتانۋعا ارنالعان وقۋ-جاتتىعۋ ءوتتى

700 رەت كورسەتىلدى

شىمكەنت قالالىق توتەنشە جاعدايلار دەپارتامەنتىنىڭ ماماندارى الدىن الۋ جۇمىستارىنا دايىندىقتى پىسىقتاۋ بارىسىندا تۇرعىندارعا ەۆاكۋاتسيالىق پۋنكتەردىڭ جۇمىسىن كورسەتتى.

قالاداعى ى.التىنسارين اتىنداعى №65 مەكتەپ-گيمنازيانىڭ بازاسىندا ورنالاسقان 31-ەۆاكۋاتسيالىق جيناۋ پۋنكتىندە جەر سىلكىنۋ كەزىندەگى ءىس-قيمىلداردى تەكسەرۋ ءۇشىن پراكتيكالىق جاتتىعۋ ءوتتى.

اتالعان وقۋ-جاتتىعۋ جيىنىنا 1600-عا جۋىق ادام قاتىستى. ايتا كەتەرلىگى، بۇگىندە شاھاردا  57 ەۆاكۋاتسيالىق پۋنكت ۇيىمداستىرىلعان. سولاردىڭ ءبىرى وسى اتالعان ءبىلىم ورداسىندا ورنالاسقان  31-ەۆاكۋاتسيالىق جيناۋ پۋنكتى.

«ەۆاكۋاتسيالىق جيناۋ ورىندارى كوپقاباتتى ۇيلەر مەن حالىق تىعىز ورنالاسقان ەلدىمەكەندەردە ورنالاسقان. سەيسميكالىق قاۋىپسىزدىك ماسەلەلەرىن ەسكەرە كەلە، جيناۋ پۋنكت رەتىندە مەكتەپتەر تاڭداپ الىندى. ءزىلزالا، تابيعي جانە تاعى دا باسقا اپاتتار كەزىندە قاۋىپسىز ايماققا جينالعان ادامدار اشىق لاگەرگە كوشىرىلەدى. قالادا 5000 تۇرعىنعا ارنالعان ارنايى ورىن قاراستىرىلعان»،  دەدى شىمكەنت قالاسىنىڭ توتەنشە جاعدايلار دەپارتامەنتى باستىعىنىڭ ورىنباسارى ەرعالي باحاەۆ.

بۇل رەتكى شاراعا 33 مەكەمە قىزمەتكەرلەرى مەن 50 مەكتەپتىڭ باسشىلارى قاتىسىپ، پراكتيكالىق جۇمىستار كەزىندە اپاتتى جاعدايدا قاۋىپسىز ايماققا قالاي بارۋ كەرەك ەكەنىن تاجىريبە جۇزىندە ءتۇسىندىردى.



سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار