ايماقتار • 24 ءساۋىر، 2019

شىمكەنتتە مۋنيتسيپالدىق اۆتوبۋس پاركىن قۇرۋ ارقىلى جولاۋشىلار تاسىمالىنىڭ جاعدايىن جاقسارتۋعا بولادى

651 رەت كورسەتىلدى

«Shymkent» اكك اق باسقارما توراعاسى راشيد ايۋپوۆ شىمكەنتتەگى جولاۋشىلار تاسىمالىنىڭ جاعدايىن جاقسارتۋ بويىنشا ءوز ۇسىنىستارىن ايتتى.

باسقارما توراعاسىنىڭ ايتۋىنشا شاھارداعى جولاۋشىلار تاسىمالىنىڭ نەگىزگى ماسەلەلەرى: جولاۋشىلارعا قىزمەت كورسەتۋ ساپاسىنىڭ تومەندىگى، تومەن مادەنيەت جانە جۇرگىزۋشىلەردىڭ كولىكتى دۇرىس باسقارماۋى، اۆتوبۋستاردىڭ جولاۋشىلاردى نورمادان ارتىق تولتىرۋى، تاسىمالداۋ قاۋىپسىزدىگى، مارشرۋتتار كەستەسىن ساقتاماۋ،  مارشرۋتقا تەك قانا چاس-پيك ۋاقتىسىندا شىعۋ، ءتيىمدى ەمەس مارشرۋتتارعا قىزمەت كورسەتپەۋ، ەلەكتروندى بيلەتتەۋ جۇيەسىن ەنگىزۋ جانە مۋنيتسيپالدىق اۆتوبۋس پاركىن پايدالانۋعا بەرۋ بولىپ وتىر.

«ەلەكتروندى بيلەتتەۋ جۇيەسىن ەنگىزۋ جانە مۋنيتسيپالدىق اۆتوبۋس پاركىن پايدالانۋعا بەرۋ بىرقاتار ماڭىزدى ماسەلەلەردى شەشۋگە مۇمكىندىك بەرەدى. مىسالى، كولەڭكەلى اينالىمنان جول ءجۇرۋ اقىسىن شىعارۋ، ەسكىرگەن قالالىق اۆتوبۋستار پاركىن جاڭارتۋ، قالالىق جولاۋشىلار تاسىمالى قاۋىپسىزدىگى مەن سەرۆيس دەڭگەيىن ارتتىرۋ، قازىرگى زامانعى اۆتوبۋس پاركىنىڭ وندىرىستىك ينفراقۇرىلىمىن قۇرۋ»،  دەيدى راشيد ايۋپوۆ.

وسى كەلەڭسىزدىكتەردىڭ الدىن-الۋ ءۇشىن «بولاشاق» تۇلەگى الەۋمەتتىك ساۋالناما نەگىزىندە جاسالعان 8 ءتۇرلى جوبا-جوسپارىمەن ءبولىستى.

اتاپ ايتار بولساق: 1. مۋنيتسيپالدىق اۆتوبۋس پاركىن قۇرۋ – «ShymkentBusLine» جشس 2. ءپتا ينفراقۇرىلىمىن سالۋ 3. سۋبسيديالاۋ قاعيدالارىن ازىرلەۋ جانە بەكىتۋ 4. ورتالىق ديسپەتچەرلىك قىزمەت 5. باقىلاۋ-تەكسەرۋ قىزمەتى 6. پايدالانۋشىلارعا قىزمەت كورسەتۋ ورتالىعى 7. سەرۆيستىك-تەحنيكالىق قىزمەت 8. كولىكتىك ەمەس تولەمدەر قىزمەتى

قازىرگى تاڭدا شىمكەنت قالاسىندا 27 كولىك كومپانياسى جولاۋشىلار تاسىمالىمەن اينالىسادى. ولاردىڭ تەك 14-ءى ءوز اۆتوبۋستارى، قالعانى جال الىنعان اۆتوكولىكتەر. جۋىردا قالا اكىمىنىڭ تاپسىرماسى بويىنشا شاھارعا قوسىلعان ەلدىمەكەندەرگە  قوعامدىق كولىكتەرقاتىناي باستادى. ەندىگىدە №142، 143، 144، 146 باعىتتارىندا جولاۋشىلار كولىك كۇتۋ ازابىنان قۇتىلاتىن بولدى.

قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى قۋاتجان جۇماتاەۆتىڭ ايتۋىنشا  №142-ءشى جولاۋشىلار اۆتوبۋسى تەكەسۋ شاعىناۋدانىنا، №143 بادام-2 شاعىناۋدانىنا، №144 «جىلانبۇزعان»، «ايناتاس»، «ەلتاي»، ال، №146 اۆتوبۋس «جاڭاتالاپ»، «كوكبۇلاق»، «التىنتوبە» شاعىناۋدانىدارىنا ساعات 7.00-دەن 21.00-گە دەيىن قوزعالىس ارالىعى 20-30 مينۋتتان قاتىنايتىن بولادى.


سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار