پارتيا توراعاسى ازات پەرۋاشەۆتىڭ ايتۋىنشا, «اق جول» ءاردايىم جەكە, ەڭ الدىمەن, شاعىن جانە ورتا بيزنەستى جاقتاپ كەلەدى. دەگەنمەن, ەلدىڭ الدىندا جاھاندىق سىن-تەگەۋرىندەر تۇر. ولاردى ەڭسەرمەي, ارى قاراي دامۋ مۇمكىن ەمەس.
«وسى قاۋىپتەردى جاڭا مۇمكىندىكتەرگە اينالدىرۋ ۇشىن كەلەسى ءىس-شارالاردى جۇزەگە اسىرۋ قاجەت. نەسيە ستاۆكاسى تەڭگەمەن 5-7 پروتسەنتتەن اسپاۋ كەرەك. شاعىن جانە ورتا بيزنەستىڭ قۇلدىراۋىنا جانە حالىقتىڭ كەدەيلەنۋىنە اكەپ سوقتىراتىن تۇراقتى دەۆالۆاتسيا تاجىريبەسىن توقتاتۋ قاجەت. ەگەر مينيستر نەمەسە ۇلتتىق بانك باسشىسى دەۆالۆاتسيا بولمايدى دەپ مالىمدەسە, بىراق ول ورىن الاتىن بولسا, ونداي شەنەۋنىك وتستاۆكاعا كەتۋى ءتيىس», دەدى ا.پەرۋاشەۆ بۇگىن پارتيانىڭ كەزەكتەن تىس XV قۇرىلتايىندا.
ونىڭ سوزىنە قاراعاندا, بانكتەردىڭ ۇلتتىق قوردان اقشا الىپ, وسى قاراجاتتاردى ۇلتتىق بانك جانە زەينەتاقى قورىنىڭ قاعازدارىنا ەمەس, بيزنەسكە ارنالعان نەسيەلەرگە باعىتتاۋى ءتيىس. ال ۇلتتىق قوردىڭ قاراجاتىن شەتەلدە ۇستاماي, وتاندىق ەكونوميكاعا سالۋ كەرەك.
«بۇدان بولەك, كاسىپكەرلىك قىزمەتكە كەدەرگى جاساعانى ءۇشىن شەنەۋنىكتەردىڭ جاۋاپكەرشىلىگىن كۇشەيتكەن ءجون. شەتەلدىك جەر قويناۋىن پايدالانۋشىلار مەن ىشكى نارىقتا مەملەكەتتىك ساتىپ الۋدا وتاندىق كاسىپورىنداردىڭ باسىمدىعىن قامتاماسىز ەتۋ, ۇلتتىق كومپانيالاردىڭ جانە دامۋ ينستيتۋتتارىنىڭ قىزمەتىنە پارلامەنتتىك مونيتورينگ ەنگىزۋ, ولارمەن مەملەكەتتىك قاراجاتتاردى پايدالانۋ تيىمدىلىگىن قامتاماسىز ەتۋ كەرەك.
ۇلتتىق كومپانيالاردىڭ بارلىق كىرىسى بيۋدجەتكە ءتۇسۋى قاجەت, ال ولاردىڭ سالىقتارى بيۋدجەتتەن الىناتىن سومالاردان اسۋعا مىندەتتى. مەملەكەت وزدىگىنەن تابىس تاباتىن, بيۋدجەتكە سالىق تولەيتىن جانە باسقالارعا جۇمىس بەرەتىندەردى قولداۋعا مىندەتتى!», دەپ اتاپ كورسەتتى ا.پەرۋاشەۆ.
ايتا كەتەيىك, پارتيانىڭ سايلاۋالدى باعدارلاماسى ءالى دە تولىقتىرىلۋى مۇمكىن. بۇگىنگى قۇرىلتايدا پارتيا توراعاسى جوبانى سايلاۋالدى ۇگىت-ناسيxاتقا دەيىن دايىنداپ قويۋدى تاپسىردى. پارتيانىڭ كانديداتى ءالى انىقتالعان جوق.
