«كورمە» كورمە ورتالىعىندا «Eurasian Book Fair–2019» ءىV ەۆرازيالىق حالىقارالىق كىتاپ كورمە-جارمەڭكەسىنىڭ اشىلۋ سالتاناتى وتۋدە.
«ەلوردامىزدا ءتورت كۇن وتەتىن ءىV ەۋرازيا حالىقارالىق كىتاپ كورمە-جارمەڭكەسىنە جينالعان جۇرتشىلىقتى كورگەنىمە قۋانىشتىمىن. ءبىز بۇگىن ەۋرازيا اۋماعىنداعى ماڭىزدى مادەنەني شارانىڭ كۋاگەرى اتانىپ وتىرمىز. كىتاپ فورۋمىن وتكىزۋ – ەلىمىزدەگى ادەبيەت سالاسىنىڭ عانا جەتىستىگى ەمەس, ول بارلىق كىتاپسۇيەر قاۋىمنىڭ مەرەكەسى» دەپ اتاپ ءوتتى سالتاناتتى ءىس-شارانى اشقان قر مادەنيەت جانە سپورت ءمينيسترى ارىستانبەك مۇحامەدي ۇلى.
«Eurasian Book Fair» – ەۋرازيالىق حالىقارالىق كىتاپ كورمە-جارمەڭكەسى ەلىمىزدەگى – ىسكەرلىك جانە گۋمانيتارلىق ارىپتەستىكتى دامىتۋ جانە نىعايتۋ ماقساتىندا تمد, ەۋروپا جانە ازيا ەلدەرىنىڭ باسپا, كىتاپ ساۋداسى ۇيىمدارىن, مادەني جانە ءبىلىم بەرۋ ورتالىقتارىن ۇلكەن ينتەللەكتۋالدىق الاڭعا بىرىكتىرەتىن اسا ءىرى كىتاپ فورۋمى.
بۇل كورمەگە 13 مەملەكەتتەن كەلگەن 90 كومپانيا قاتىسادى. ونىڭ ىشىندە رەسەي, ازەربايجان, تاجىكستان, ارمەنيا, قىرعىزستان, تۇركيا, قىتاي, يران, پولشا, بەلگيا, لاتۆيا, ۋكراينا, وزبەكستان بار.
جاستار جىلى اياسىندا جاس اۆتورلاردىڭ قاتىسۋىمەن «اشىق اڭگىمە» اقىندىق مارافون, كىتاپتىق اڭگىمەلەسۋ (book talks), ادەبيەت كلۋبىنىڭ وتىرىسى, «كىتاپتى قالاي ءتيىمدى وقۋ كەرەك؟» تاقىرىبىنا ارنالعان شەبەرلىك سىنىپتارى, تانىمال اقىن-جازۋشىلارمەن اۆتوگراف-سەسسيا ۇيىمداستىرىلادى. ولاردىڭ ىشىندە بالالار كىتابى بۇكىلرەسەيلىك فەستيۆالىنىڭ ديرەكتورى جانە جازۋشى يۋري نەچيپورەنكو, «كيت پلىۆيوت نا سەۆەر», «سوۆينىي ۆولك» كىتاپتارىنىڭ اۆتورى اناستاسيا ستروكينا بار. تانىمال بالالار جازۋشىسى اننا گونچاروۆامەن ينتەراكتيۆتى جانە شىعارماشىلىق كەزدەسۋ بولادى.
بۇل شارانىڭ اياسىندا تانىمال مادەنيەت قايراتكەرلەرى, جازۋشىلار جانە اقىندارمەن كەزدەسۋلەر ۇيىمداستىرىلادى. ولاردىڭ اراسىندا جاس اقىن مەرگەن توقسانباي مەن قازاقستان رەسپۋبليكاسىنىڭ جازۋشىلار وداعىنىڭ توراعاسى, اقىن ۇلىقبەك ەسداۋلەت, سونداي-اق تاريح عىلىمدارىنىڭ دوكتورى, پروفەسسور, ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ تا بار.
