اكىم ورىنباسارى الەۋمەتتىك قورعاۋ, ىشكى جانە جاستار ساياساتى, اقپارات, مادەنيەت, دەنساۋلىق ساقتاۋ, دەنە شىنىقتىرۋ جانە سپورت ماسەلەلەرىنە جاۋاپتى بولادى.
كاناليموۆ ەرلان ەرمەك ۇلى 1982 جىلدىڭ 22 تامىزىندا تسەلينوگراد قالاسىندا تۋعان. ءبىلىمى جوعارى, 2003 جىلى استانا قالاسىنىڭ باسقارۋ ينستيتۋتىن ەكونوميست ماماندىعى بويىنشا, 2007 جىلى قازاقستان-رەسەي ۋنيۆەرسيتەتىن زاڭگەر ماماندىعى بويىنشا تامامداعان بولاتىن.
ەڭبەك جولىن استانا قالاسى سارىارقا اۋدانى اكىمى اپپاراتى ۇيىمداستىرۋ-باقىلاۋ جانە كادر ءبولىمىنىڭ باس مامانى رەتىندە باستادى. 2005 جىلى سارىارقا اۋدانى اكىمىنىڭ كەڭەسشىسى قىزمەتىن اتقاردى. 2005-2006 جىلدار ارالىعىندا استانا قالاسى سارىارقا اۋدانى اكىمى اپپاراتى ۇيىمداستىرۋ-باقىلاۋ جانە كادر ءبولىمىنىڭ باسشىسى بولدى. 2006-2007 جىلدارى – سارىارقا اۋدانى اكىمىنىڭ كەڭەسشىسى. 2007-2009 جىلدارى – استانا قالاسى اكىمى اپپاراتى ۇيىمداستىرۋ –ينسپەكتورلىق ءبولىمىنىڭ مەڭگەرۋشىسى. 2009-2013 جىلدار ارالىعىندا – استانا قالاسى اكىمى اپپاراتى باسشىسىنىڭ ورىنباسارى. 2013-2015 جىلدار ارالىعىندا – «زورلىق-زومبىلىق نەمەسە زورلىق-زومبىلىق قاۋپى سالدارىنان قيىن جاعدايعا تاپ بولعان ادامدارعا ارنالعان داعدارىس ورتالىعى-باسپاناسى» كمم ديرەكتورى. 2015-2018 جىلدار ارالىعىندا استانا قالاسى ىشكى ساياسات باسقارماسىنىڭ باسشىسى بولىپ جۇمىس ىستەدى. 2018 جىلدىڭ 20 ناۋرىزىنان بۇگىنگە دەيىن نۇر-سۇلتان قالاسى بايقوڭىر اۋدانىنىڭ اكىمى قىزمەتىن اتقاردى. ۇيلەنگەن, 4 بالانىڭ اكەسى.
ەىقۇ ءسامميتىن ۇيىمداستىرۋ جانە وتكىزۋگە قاتىسقانى ءۇشىن قر پرەزيدەنتىنىڭ العىس حاتىمەن (2010), قر پرەزيدەنتىنىڭ سايلاۋىن وتكىزۋگە قاتىسقانى ءۇشىن قر پرەزيدەنتىنىڭ العىس حاتىمەن (2015), «قازاقستان رەسپۋبليكاسىنىڭ كونستيتۋتسياسىنا 10 جىل», «ەرەن ەڭبەگى ءۇشىن» مەدالدارىمەن ماراپاتتالعان.
