وسىنىڭ الدىندا مەملەكەتتىك ءتىلدى ەركىن مەڭگەرگەندىگى جونىندە قاسىم-جومارت توقاەۆتىڭ ءبىرىنشى بولىپ لينگۆيستيكالىق كوميسسيا ەمتيحانىنان سۇرىنبەي وتكەنىن بايانداعانبىز. ەندى " ۇلى دالا قىراندارى" رەسپۋبليكالىق قوعامدىق بىرلەستىگى ۇسىنعان قازاقستان رەسپۋبليكاسىنىڭ پرەزيدەنتتىگىنە كانديدات رەتىندە سادىبەك تۇگەل مەملەكەتتىك ءتىلدى ەركىن مەڭگەرگەندىگى جونىنەن لينگۆيستيكالىق كوميسسيادا ەمتيحان تاپسىردى.
ول بۇدان بۇرىن, ياعني 2019 جىلعى 22 ساۋىردە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنىڭ 55-بابىنا سايكەس ورتالىق سايلاۋ كوميسسياسىنا, قازاقستان رەسپۋبليكاسىنىڭ پرەزيدەنتتىگىنە كانديدات رەتىندە « ۇلى دالا قىراندارى» رەسپۋبليكالىق قوعامدىق بىرلەستىگى جوعارى ورگانىنىڭ قازاقستان رەسپۋبليكاسىنىڭ پرەزيدەنتتىككە كانديدات ۇسىنۋ جونىندەگى وتىرىس حاتتاماسىنان ءۇزىندى, ءوزىنىڭ پرەزيدەنتتiككە كانديدات بولىپ داۋىسقا تۇسۋگە كەلiسiم بەرۋ جونiندەگi ءوتiنiشتى, ومىرباياندىق مالىمەتتەرىن, ورتالىق سايلاۋ كوميسسياسىنىڭ شوتىنا سايلاۋ جارناسىن ەنگiزگەنiن كۋالاندىراتىن قۇجاتتى, جەكە باسىن كۋالاندىراتىن قۇجاتتىڭ كوشىرمەسىن, جوعارعى ءبىلىم تۋرالى ديپلومدارىنىڭ كوشىرمەلەرى مەن مەملەكەتتىك قىزمەتتە نەمەسە سايلانبالى مەملەكەتتىك لاۋازىمداردا جۇمىس تاجىريبەسىنىڭ بار ەكەنىن راستايتىن قۇجات وتكىزگەن بولاتىن.
ەندى بۇل جولى دا لينگۆيستيكالىق ەمتيحان الدىندا ايتىلعانداي ءۇش كەزەڭ بويىنشا ءوتتى: تاقىرىپقا ساي جازباشا تاپسىرما جازۋ, ءماتىن وقۋ جانە لينگۆيستيكالىق كوميسسيا بەرگەن تاقىرىپتا كوپشىلىك الدىندا كەمىندە ون بەس مينۋت ءسوز سويلەۋ. ەمتيحان تاپسىرىلعاننان كەيىن لينگۆيستيكالىق كوميسسيا تالقىلاۋ وتكىزىپ, قورىتىندىلادى. وعان لينگۆيستيكالىق كوميسسيانىڭ بارلىق مۇشەلەرى قاتىستى. ول قورىتىندى بويىنشا فيلوسوفيا عىلىمدارىنىڭ دوكتورى, پروفەسسور, قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى عاريفوللا ەسىم: - بۇگىن ءبىز لينگۆيستيكالىق كوميسسيانىڭ كەزەكتى وتىرىسىن وتكىزدىك. وعان قازاقستان رەسۋبيكاسىنىڭ پرەزيدەنتتىگىنە كانديدات سادىبەك تۇگەل كەلىپ, مەملەكەتتىك ءتىلدى ەركىن مەڭگەرگەندىگىن ايقىنداۋ ءۇشىن ەمتيحان تاپسىردى. ەمتيحان شارتى بويىنشا ول ءۇش بولىمنەن تۇرادى: ءبىرىنشى كەزكەڭگە ساي ءبىز ۇسىنعان تاقىرىپ بويىنشا شىعارما جازۋى كەرەك. بۇل ورايدا سادىبەك تۇگەل "تاۋەلسىز مەملەكەتتەر دوستاستىعى: تاريحى جانە بۇگىنى". وسى تاقىرىپتا كانديدات بەرلىگەن تاپسىرمانى ورىنداپ, ءوزىنىڭ مەملەكەتتىك ءتىلدى ەركىن مەڭگەرگەندىگىن كورسەتتى. ارينە, بۇل جەردە ءبىزدىڭ كورسەتكەن كەيبىر قاتەلەر تۋرالى ەسكەرتپەلەر بار. بىراق ونىڭ مەملەكەتتىك ءتىلدى ەركىن مەڭگەرۋىنە ەشقانداي بوگەتى جوق. ەكىنشى كەزەڭدە سادىبەك تۇگەل ءابىش كەكىلبايدىڭ "دالا باللاداسىن" تاڭداپ الىپ, سودان ءۇش بەتتىك ءماتىندى مانەرلەپ وقىپ بەردى. وسى وقۋ بارىسىندا ول ءوزىنىڭ وقۋ مادەنيتىنىڭ جوعارى ەكەنىن كورسەتتى. بۇل جاعىنان دا سادىبەك تۇگەل مەملەكەتتىك ءتىلدى ەركىن مەڭگەرگەندىگىن ايقىندادى, - دەدى.
ءۇشىنشى كەزەڭ قازاقستان رەسپۋبليكاسىنىڭ پرەزيدەنتتىگىنە كانديدات ءسوز سويلەۋ مادەنيەتىن كورسەتۋى ءتيىس بولاتىن. بۇل جونىندە عاريفوللا ەسىم: - ءۇشىنشى كەزەڭ تاپسىرماسىنا ساي سادىبەك تۇگەل "بابالار ءسوزى – دانالىق كوزى" دەگەن تاقىرىپتى الدى. وسى تاقىرىپ بويىنشا ءسوز سويلەدى. سوندا ول ءوزىنىڭ قازاق تىلىندە ەركىن سويلەپ, پىكىرىن دە ەركىن جەتكىزە الاتىندىعىن تولىق دالەلدەپ بەردى. دەمەك, ول بۇل كەزەڭ شارتى بويىنشا دا مەملەكتتىك ءتىلدى ەركىن مەڭگەرگەندىگىن كورسەتتى. سوندىقتان ءبىزدىڭ بۇل ءبىرىنشى, ەكىنشى جانە ءۇشىنشى تاپسىرمالارىمىزعا قاتىستى قورىتىندىمىز, ياعني ناقتى ايتقاندا لينگۆيستيكالىق كوميسسيانىڭ شەشىمى بويىنشا قازاقستان رەسپۋبليكاسىنىڭ پرەزيدەنتتىگىنە كانديدات سادىبەك تۇگەل مەملەكەتتىك ءتىلدى ەركىن مەڭگەرگەن. ءبىزدىڭ سوعان كوزىمىز ناقتى جەتتى, - دەدى.
