«ءبىزىڭ مامانداردىڭ ايتۋىنشا, جاڭا تەحنولوگيا سۋدى زالالسىزداندىرۋدى جاقسارتادى جانە ونىڭ ساپاسىن دا كوتەرەدى» دەيدى «قوستاناي سۋ» كاسىپورىننىڭ ءباسپاسوز حاتشىسى سالتانات ايتەنوۆا. جاڭا ستانتسيا «قوستاناي سۋ» كاسىپورنىنىڭ اۋماعىنا ورنالاسقان. بۇل جوبا ەۋروپا قايتا قۇرۋ جانە دامۋ بانكىمەن ىنتىماقتاسۋ جۇمىستارى اياسىندا ەنگىزىلدى. قۇنى جىلىنا 630 ميلليون تەڭگەگە تۇسەدى. قازىر ستانتسيانى قۇرۋدىڭ سوڭعى جۇمىستارى ءجۇرىپ جاتىر. ماماندار بىرنەشە سىناقتار وتكىزىپ, ناتيجەسىنە كوڭىلى تولىپ وتىر. مامىر ايىندا ستانتسيا تولىق قۋاتىندا ىسكە كىرىسەتىن بولادى.
جاڭا تەحنولوگيانىڭ ارتىقشىلىقتارى كوپ. بۇرىن حلور باللوندارمەن جەتكىزىلەتىن. ونىڭ قاۋىپتىلىگى بولعاندىقتان, ونى ساقتاۋ دا قيىندىقتار تۋعىزاتىن. تۇرعىندار حلورمەن وڭدەلگەن سۋدىڭ دامىنە شاعىمدار ايتاتىن. گيپوحلوريتپەن وڭدەلگەن اۋىز سۋدا وسىنداي كەمشىلىكتەردىڭ ەشقايسىسى بولمايتىنىنا ماماندار ءباس تىگەدى. ستانتسيانىڭ قۋاتى كۇشتى, بۇكىل قالانى ساپالى اۋىز سۋمەن قامتاماسىز ەتەدى, كۇنىنە 500 كيلوگرامم ءومىر ءنارى وڭدەلەتىن بولادى.
قوستاناي
