اتاپ ايتقاندا, №375/376 «نۇر-سۇلتان - نۇرلى جول - ريددەر» پويىزىنىڭ كەستەسى وزگەرەدى. 22 مامىردان باستاپ بۇل قۇرام «سەمەي - شار - وسكەمەن» (بۇرىن «سەمەي - لوكوت - وسكەمەن» ارقىلى قاتىنايتىن) ارقىلى جۇرەتىن بولادى.
بۇل جولاۋشىلاردىڭ جول ءجۇرۋ ۋاقىتىن 5 ساعاتقا قىسقارتادى. سونداي-اق تەكسەرۋگە بايلانىستى مەملەكەتتىك شەكارانىڭ وتكىزۋ پۋنكتتەرىندە ۇزاق ۋاقىت ايالدامايتىن بولادى. جولداعى جالپى ۋاقىت - 23 ساعات 23 مينۋت.
سونىمەن قاتار 22 مامىردان №086 «نۇر-سۇلتان - سارىاعاش» باعىتىنداعى پويىزدىڭ كەستەسى وزگەرەدى. ەندى بۇل قۇرام «نۇر-سۇلتان - نۇرلى جول» تەمىرجول ۆوكزالىنان قاتىنايدى. «جولاۋشىلار تاسىمالى» اق-دان ءمالىم ەتكەندەي, اتالعان وزگەرىستەر جولاۋشىلاردان كەلىپ تۇسكەن كوپتەگەن وتىنىشتەردەن كەيىن ەنگىزىلىپ وتىر. تولىق اقپاراتتى «105» انىقتاما تەلەفونىنان الۋعا بولادى.
