رۋحانيات • 24 ءساۋىر، 2019

ەلەكتروندى وقۋلىقتار مۇعالىمدەردىڭ جۇمىسىن، وقۋشىلاردىڭ سومكەسىن جەڭىلدەتەدى

977 رەت كورسەتىلدى

مەكتەپتەردى ەلەكتروندى وقۋلىقتارمەن بارىنشا قامتاماسىز ەتۋ – ءبىلىم سالاسىنىڭ نەگىزگى مىندەت-ماقساتتارىنا اينالعانىنا جيىرما جىلعا جۋىقتادى. بۇل ماسەلەدە ارينە، ىلگەرىلەۋ بار دەسەك تە، اتقارىلۋعا ءتيىستى جۇمىستار ءالى جەتكىلىكتى.

ماسەلەن، «الماتىكىتاپ باس­پاسى» 2018 جىلى 1 قىر­كۇيەكتە قازاقستاننىڭ ءبى­لىم بەرۋ ىسىنە ەلەكتروندى وقۋلىقتاردى ەنگىزۋدى باس­تا­عان بولاتىن. قانات­قاق­تى جوبا ەلىمىزدىڭ 11 مەك­تە­بىندە قولعا الىنىپ، ەل­وردا­داعى №85 مەكتەپتە وتكەن العاشقى ساباققا تۇڭ­عىش پرەزيدەنت – ەلباسى قاتىس­قا­نى ەسىمىزدە.
الايدا بۇل باستاما ءالى دە بولسا كەشەندى جۇ­مىس­تار جۇرگىزۋدى تالاپ ەتىپ وتىر. وسىعان بايلانىستى «الماتىكىتاپ باسپاسى» الما­­­تىداعى كىتاپ ۇيىندە www.opiq.kz پلاتفورماسىندا ەلەك­­تروندى وقۋلىقتاردى ەنگىزۋ جونىندەگى بايقاۋدىڭ باستال­­عانى تۋرالى جاريالاپ، ارناۋلى جيىن وتكىزدى. 

بۇل شاراعا نۇر-سۇلتان، الماتى، تاراز قالا­لا­رىن­داعى مەكتەپتەردىڭ مۇعا­لىمدەرى مەن اتا-انالارى، ءبىلىم باسقارمالارى وكىل­دەرى قاتىسىپ، ەلەكترون­دى وقۋلىقتاردىڭ ءمۇم­كىن­دىك­تە­رىن كوردى. 

قازىر بۇل جوباعا قازاق­ستان­نىڭ 5 وبلى­سىن­­داعى 11 مەكتەپتەن 350 مۇعالىم مەن 1 مىڭ وقۋشى قاتىسىپ وتىر. ال www.opiq.kz پلاتفورماسىندا جاڭارتىلعان باعدارلاما بويىنشا 1، 2، 3، 5، 6، 8 سىنىپ وقۋلىقتارى ورنالاستىرىلعان. ەلەك­ترون­دى وقۋلىقتار ينتەراكتيۆ مۋلتيمەديا ماتەريالدارىمەن بايىتىلعان. بۇل وقۋلىقتار تاپسىرمالاردى بارىنشا قامتۋعا مۇمكىندىك بەرەدى جانە اۆتوماتتى ءتۇر­­دە تەكسەرۋ رەجىمىمەن جابدىق­تال­عان. 

بايقاۋ ۇيىم­داس­تى­ر­ۋ­­شىلارى www.opiq.kz پلات­فور­­ماسىنداعى ەلەك­ترون­­دى وقۋلىقتار وقۋشى­نىڭ قا­جەت­تىلىكتەرىنە بەيىم­دە­­لىپ، مۇعالىمگە دە وقۋ ۇدە­­رىسىن بارىنشا ءتيىم­دى قۇرۋعا سەپتەسەتىنىنە سەنىم­­دى. ەلەكتروندى وقۋ­لىق­­­تاردى قولدانۋ بارىسىندا ءارتۇرلى الىپپە بازاسىندا قاتارلاس ماتىندەردى وقۋعا بولاتىندىقتان، بۇل مەملەكەتتىك ءتىلدىڭ كيريلليتسادان لاتىن الىپبيىنە ءوتۋ ۇدەرىسىن بارىنشا وڭايلاتۋى ءتيىس.

– دەگەنمەن، ەلەكتروندى وقۋلىقتار قاعاز وقۋلىقتاردى تۇگەلدەي اۋىستىرادى دەگەن ءسوز جوق. وقۋلىقتاعى ءبىلىم بالانىڭ جاس ەرەكشەلىگىن ەسكەرە وتىرىپ بەرىلگەن. ءبىر عانا تاقىرىپپەن تانىسا وتىرىپ، تۋرا وسى تاقىرىپتاعى باسقا سىنىپتاردا قامتىلعان وقۋ ماتەريالدارىن دا كورۋگە، وقۋعا، تىڭداۋعا مۇمكىندىك الادى. پانارالىق بايلانىس دەگەنىمىز وسى، – دەيدى «الماتىكىتاپ باسپاسى» قازاق رەداكتسياسىنىڭ باس رەداكتورى ومىرزاق ابدىشۇكىر ۇلى.

ەلورداداعى №62 مەكتەپ ليتسەيىنىڭ ۇستازى الما تۇرعانبەكوۆا: «ەلەكت­رون­دى وقۋلىقتاردىڭ ارتىق­شى­لى­عى، كىتاپ تاسۋدىڭ قاجەتى جوق. كەز كەلگەن گادجەت ارقىلى وقۋشى ءۇي تاپسىرماسىن ورىنداي الادى. بۇرىنعى مۇمكىن بولماعان جاعدايعا وسى www.opiq.kz ارقىلى قول جەتكىزىپ وتىرمىز» دەيدى.
مۇعالىم الما بازارعالي­قى­زىنىڭ ويىنشا، بۇل وقۋلىقتىڭ ەڭ ءبىر ءتيىم­دى جاعى بالالار ءوزىنىڭ وقۋ ۇلگە­رىمىن باعالاي الادى. باعدارلاما، ساباق، وقۋ­لىق اياسىندا جاسالعان. ءارى بىرىزدىلىك ساقتالادى. ەلەك­ترون­دى وقۋلىقتار وقۋشىعا تاقىرىپتى ەتەنە سەزىنىپ، سول پانگە دەگەن قىزىعۋشىلىعىن ارتتىرادى دەپ ەسەپتەيدى.

ءبىلىم بەرۋدە ەلەكتروندى وقۋلىقتاردىڭ جۇيەسى ءتيىمدى قۇرىلعان. وعان قوسا، وسى جوبا ارقىلى شالعاي ەلدى مەكەندەردىڭ وقۋشىلارى جاڭا كىتاپتاردى وقي الادى. قازىر بۇل ماتەريالدار بازاسى ەستونيا مەملەكەتىنىڭ تاجىريبەسىندە قولدانىستا بار. سوندىقتان سالتاناتتى شاراعا ەستونيانىڭ قا­زاق­­ستانداعى توتەنشە جانە وكىلەتتى ەلشىسى حەي­تي مياەمەەس مىرزا، «الما­تىكىتاپ باس­پاسى» باسپا­سىنىڭ ديرەكتورلار كەڭەسىنىڭ ءتورايىمى ەلەونورا باتالوۆا، «AVITA» باسپاسىنىڭ جەتەكشىسى لي كريسكا قاتىستى. 

– ءدال قازىرگى تاڭدا www.opiq.kz پلاتفورماسىنا ءبىزدىڭ باسپادا جارىق كورگەن 1-10 سىنىپ وقۋشىلارىنا ارنالعان 40 وقۋلىق ەنگىزىلگەن. ءبىز بالالاردىڭ دا، اتا-انالار­دىڭ دا، مۇعالىمدەردىڭ دە ۇسىنىس-پىكىرلەرىن ەسكەرىپ وتىرمىز. ەڭ باستىسى، وقۋ ۇلگەرىمى ورتاشا بالالاردىڭ وزىندە ىلگەرىلەۋ بايقالىپ وتىر. جاقسى ناتيجە كورسەتە باستاعان شاكىرتتەر بار، – دەيدى «الماتىكىتاپ باسپاسى» باسپاسىنىڭ پرەزيدەنتى گاۋحار سايماساەۆا.

قالاي دەسەك تە، ەلەكترون­دى وقۋلىقتاردى ەنگىزۋ مەك­تەپ­تىڭ دە، اتا-انالاردىڭ دا قاراجاتىن الدەقايدا ۇنەم­دەيدى. مۇعالىمدەردىڭ جۇ­مىسىن، وقۋشىلاردىڭ سومكەسىن جەڭىلدەتەدى. ال ءبىلىم ساپاسى، ارينە باستى نازاردا بولماق.

الماتى
سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار