حالقىمىزدىڭ باسىنا قارا بۇلت ۇيىرىلگەن قيلى كەزەڭدەردە جەردىڭ شەتىنەن, جەلدىڭ وتىنەن تابىلىپ, قوي ۇستىنە بوزتورعاي جۇمىرتقالاعان بەيبىت ءومىر كەزىندە ەل-جۇرتىنا اقىلشى, پانا, قامقور بولا بىلگەن. ابىلاي بالتاباەۆ اقساقالدىڭ جازۋىنا قاراعاندا, شىن اتى قازبەك ەكەن. ءبىر ورىندا بايىز تاۋىپ وتىرا الماعاندىقتان جەڭگەلەرى ەركەلەتىپ «تىشقان» اتاپ كەتكەن. ورتا بويلى, قاراتورى, شىمىر دەنەلى, وتە شاپشاڭ كىسى بولعان. كوزىنىڭ وتكىرلىگى سونشالىق, ادامدار تۋرا قاراۋدان يمەنگەن. ونىڭ ەرجۇرەكتىلىگى, پاراساتتىلىعى, اقىلدىلىعى بالاسى قويلىبايعا جۇققان دەسەدى. ال نەمەرەسى سىزدىق قاجى ءوز قاراجاتىنا قوس مۇنارالى مەشىت سالدىرىپ, مەدرەسە اشقىزعان. مولدالاردى رەسەيدىڭ ورال وڭىرىنەن, قوستاناي جاعىنان الدىرتىپ, بالالاردى ءدىن جولىنا باۋلىعان.
تىشقان باتىردىڭ جاۋعا قارسى پايدالانعان بەس قارۋى بەرتىنگە دەيىن ساقتالعانىمەن, كەيىن ۇستاعاننىڭ قولىندا, تىستەگەننىڭ اۋزىندا كەتسە كەرەك. «ابىلاي حان رەزيدەنتسياسى» مۇراجاي كەشەنىندە نايزاسىنىڭ ۇشى عانا ساقتاۋلى تۇر. ونى وسىدان ەكى جىل بۇرىن ۇرپاقتارى سىيعا تارتىپتى. نايزانىڭ باسى – 24,3 سانتيمەتر, ديامەترى 3 سانتيمەتر. جاقىن قاشىقتىقتا دۇشپانمەن بەتپە-بەت كەلگەندە قولدانىلعانعا ۇقسايدى. مۇراجاي ەكسپوزيتسياسىنىڭ «تاق» زالىنا قويىلعان جادىگەردى 30 مىڭنان استام ادام تاماشالاپتى. شەتەلدەن كەلگەن مەيماندارعا دا ونىڭ تاريحى, باتىر جايلى ماعلۇماتتار كەڭىنەن ۇسىنىلادى.
سۋىق قارۋعا QR كودى قويىلىپ, قازىرگى زامان تالابىنا سايكەس تسيفرلاندىرىلعان.
سولتۇستىك قازاقستان وبلىسى
