«الدىمىزدا تۇرعان ەندىگى باستى ماقسات - تۇڭعىش پرەزيدەنتىمىز - ەلباسى ساياساتىنىڭ التىن ارقاۋى, باستى وزەگى بولعان ەل بىرلىگى مەن ىنتىماعىنىڭ جاراسىمدى جالعاسىن قامتاماسىز ەتۋ. پرەزيدەنتتىك وكىلەتتىگىڭىزدى توقتاتۋ جونىندەگى شەشىمىڭىزدى اتىراۋلىقتار العاشقى ساتتە الاڭداۋشىلىقپەن قابىلداعانى راس. دەگەنمەن, بۇل شەشىمنىڭ سەبەبىن ءوزىڭىز تۇسىندىرگەن سوڭ بويىمىزداعى تولقۋ سەزىمى سەيىلدى. بۇل تاريحي ءسات ەلىمىزدىڭ بولاشاعىنا دەگەن ۇستانىمىڭىزدى, كورەگەندىك كوسەمدىگىڭىزدى تاعى دا ايشىقتادى», دەدى وبلىس اكىمى «Nur Otan» پارتياسىنىڭ توراعاسى, ەلباسى نۇرسۇلتان نازارباەۆقا قاراتا.
ونىڭ ايتۋىنشا, ۇرپاقتار ساباقتاستىعى, بيلىكتىڭ ينستيتۋتسيونالدىعى مەن وسى جولداعى تاڭداۋ قاسىم-جومارت توقاەۆ مىرزاعا تۇسكەنىن Nur Otan پارتياسىنىڭ مۇشەلەرى زور ىلتيپاتپەن, سەنىممەن قابىلدادى.
«قۇرمەتتى ەلباسى! قاسىم-جومارت كەمەل ۇلى - ءوزىڭىزدىڭ سەنىمدى كومەكشىڭىز, سەنىمدى ۇزەڭگىلەسىڭىز. الەمدىك ساياساتتىڭ اۋا رايىن جاقسى تۇسىنەتىن, ەل مۇددەسى ءۇشىن قاجەت شەشىم قابىلداي الاتىن ساياساتكەر رەتىندە دۇنيەجۇزىنە تانىمال تۇلعا ەكەنىن ءوزىڭىز اتاپ ءوتتىڭىز. كاسىبي بىلىكتىلىگىمەن, ءار سالاداعى تاجىريبەسىمەن, ادالدىعى جانە ادامگەرشىلىگىمەن تانىمال قاسىم-جومارت كەمەل ۇلى ەلباسىمىزدىڭ ستراتەگيالىق باستامالارىن جالعاستىرىپ, حالقىمىزدى ءبىر ماقسات, ءبىر مۇددەگە جۇمىلدىرا وتىرىپ, تاۋەلسىزدىگىمىزدىڭ ماڭگى بولۋىنا, ەلىمىزدىڭ دامۋىنا بار كۇش-جىگەرىن سالاتىنىنا سەنىمدىمىز», دەدى نۇرلان نوعاەۆ.
