«مەنىڭ پرەزيدەنتتىك وكىلەتتىلىگىمدى توقتاتۋعا قاتىستى ۇندەۋىم قازاقستاندىقتار ءۇشىن كۇتپەگەن شەشىم بولدى. كەيبىر ادامدار بۇل مالىمدەمەمدى وكىنىشپەن قارسى الدى. ءتىپتى, ماعان تۇسكەن حاتتاردىڭ ىشىندە پرەزيدەنتتىك سايلاۋعا قايتادان تۇسۋگە ۇسىنىس جاساپ جاتىر. مەن بارلىعىنا العىس ايتامىن. وسى قوبالجۋدىڭ ساياسي استارىن دا ءتۇسىنىپ وتىرمىن. ادامدار بولاشاق ءۇشىن الاڭدايدى. تۇراقتىلىق پەن تىنىشتىقتى قالايدى. ۇلتارالىق كەلىسىمنىڭ ساقتالعانىن تىلەيدى. حالىققا ىزگى نيەتى ءۇشىن, ماحابباتى ءۇشىن, قۇرمەتى ءۇشىن باسىمدى ءيىپ, زور ريزاشىلىعىمدى بىلدىرەمىن», دەدى ن.نازارباەۆ Nur Otan پارتياسىنىڭ كەزەكتەن تىس XIX سەزىندە.
بۇدان سوڭ, نۇرسۇلتان نازارباەۆ Nur Otan پارتياسىنىڭ اتىنان پرەزيدەنتتىك سايلاۋعا تۇسەتىن قاسىم-جومارت توقاەۆقا تولىعىمەن سەنەتىنىن ايتتى.
«قاسىم-جومارت كەمەل ۇلى توقاەۆ بارلىق قازاقستاندىقتاردىڭ تەڭ قۇقىقتارى مەن ءوزارا دوستىق ساياساتىن ساقتايتىن ادام ەكەنىن سەنىمدى تۇردە ايتا الامىن», دەدى ن.نازارباەۆ.
