وعان قىزىلوردا وبلىسىنىڭ قوعامدىق دەنساۋلىق ساقتاۋ دەپارتامەنتىنىڭ تاعام نىساندارىن سانيتارلىق-گيگيەنالىق قاداعالاۋ ءبولىمىنىڭ باسشىسى دينارا جاڭابەرگەنوۆا مەن دەپارتامەنتتىڭ قۇقىقتىق جۇمىس ءبولىمىنىڭ باسشىسى جانات مامبەتاليەۆا قاتىستى.
پالاتانىڭ مۇنداي سالاعا قاتىستى شارا وتكىزۋىنە زاڭنامالىق اكتىلەرگە ەنگىزىلگەن وزگەرىستەر سەبەپ بولدى.
اتاپ ايتقاندا, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ولشەم بىرلىگىن قامتاماسىز ەتۋ جانە ستاندارتتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا سايكەس «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ كودەكسىنە وزگەرتۋلەر ەنگىزىلدى. اتالمىش وزگەرتۋلەر اعىمداعى جىلدىڭ 11 ساۋىرىندە كۇشىنە ەندى. قازاقستان رەسپۋبليكاسى «اكىمشىلىك قۇقىق بۇزۋشىلىق تۋرالى كودەكسىنىڭ» 425-بابىنىڭ جاڭا رەداكتسياسىنا سايكەس قوعامدىق تاماقتاندىرۋ جانە جەكە قىزمەت كورسەتۋمەن اينالىساتىن كاسىپكەرلەردىڭ سانيتارلىق-گيگيەنالىق نورماتيۆتەردى بۇزعانى ءۇشىن جاۋاپكەرشىلىگى ايىپپۇل مولشەرىن ۇلعايتۋ ەسەبىنەن كوتەرىلەدى.
«تاماقتاندىرۋ بيزنەسى وتە كۇردەلى ەكەنىن ەسكەرسەك, بۇل وزگەرىستەر شارۋاشىلىق نىساندارىنا قوسىمشا اۋىرتپالىقتاردىڭ ۇلعايۋىنا الىپ كەلۋى جانە كاسىپكەرلەردىڭ دەر كەزىندە اقپاراتپەن قامتىلماۋى ەرتەڭگى كۇنى ولار ءۇشىن پروبلەماعا اينالۋى مۇمكىن. وسى ورايدا, زاڭعا ەنگىزىلگەن وزگەرىستەر جونىندە كاسىپكەرلەر اراسىندا كەڭ اۋقىمدى ءتۇسىندىرۋ جۇمىستارىن جۇرگىزۋ ماقساتىندا بۇگىن وسى كەزدەسۋدى ۇيىمداستىرىپ وتىرمىز», - دەدى كاسىپكەرلەر پالاتاسىنىڭ ديرەكتورى عالىمبەك جاقسىلىقوۆ.
