قازاقستان • 23 ءساۋىر، 2019

كۇن ءتارتىبى بەلگىلەندى

524 رەت كورسەتىلدى

داريعا نازارباەۆانىڭ توراعالىق ەتۋىمەن وتكەن پارلامەنت سەناتى بيۋروسىنىڭ وتىرىسىندا پالاتانىڭ 25 ساۋىردە بولاتىن وتىرىسىنىڭ كۇن ءتارتىبى تالقىلاندى، دەپ حابارلادى سەناتتىڭ ءباسپاسوز قىزمەتى.

سەناتورلار قازاقستان رەسپۋب­ليكاسى جوعارعى سوتى­نىڭ سۋديالارىن قىزمەتتەن بوساتۋ تۋرالى ماسەلەنى جانە «اۆتورلىق جانە ساباقتاس قۇقىق­تاردى ۇجىمدىق نەگىزدە باسقارۋ ءتارتىبى تۋرالى كەلىسىم­دى راتيفيكاتسيالاۋ تۋرالى»، «ءبىر تاراپتان ەۋرازيالىق ەكونوميكالىق وداق پەن وعان مۇشە مەملەكەتتەر جانە ەكىنشى تاراپتان يران يسلام رەسپۋبليكاسى اراسىنداعى ەركىن ساۋدا ايماعىن قۇرۋعا الىپ كەلەتىن ۋاقىتشا كەلىسىم­دى راتيفيكاتسيالاۋ تۋرالى» جانە «قازاقستان رەسپۋبلي­كاسى­نىڭ ۇكىمەتى مەن رەسەي فەدە­را­تسيا­سىنىڭ ۇكىمەتى ارا­سىن­داعى م.ۆ.لومونوسوۆ اتىن­دا­عى ماسكەۋ مەملەكەتتىك ۋني­ۆەر­سي­تەتىنىڭ قازاق­ستاندىق في­ليا­لىنىڭ جۇمىس ىستەۋى تۋرالى كەلىسىمدى راتي­في­كاتسيالاۋ تۋرالى» زاڭ جوبالارىن قاراي­تىن بولدى.

سەنات بيۋروسى ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىن «ءبىر تاراپتان ەۋرازيالىق ەكونوميكالىق وداق پەن وعان مۇشە مەملەكەت­تەر جانە ەكىنشى تاراپتان قىتاي حالىق رەسپۋبليكاسى اراسىن­داعى ساۋدا-ەكونوميكالىق ىنتى­ماق­­ت­استىق تۋرالى كەلىسىمدى را­تي­في­­كا­تسيالاۋ تۋرالى» زاڭ جوباسى بويىنشا باس كوميتەت ەتىپ بەلگىلەدى.

بيۋرو مۇشەلەرى سونداي-اق سەنات­تىڭ 2019 جىلعا ارنالعان نەگىزگى ءىس-شارالار جوسپارىنا وزگەرىس­تەر مەن تولىقتىرۋلار ەنگىزدى جانە حالىقارالىق پارلا­­مەنت­­تىك ۇيىمدارى مەن شەت مەم­لە­كەتتەردىڭ پارلامەنت­تەرى­مەن ىنتى­ماقتاستىق ءجونىن­دەگى توپتارداعى سەنات دەپۋتات­تارىنىڭ قۇرامىن جاساقتادى.


سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار