كۇن تارتىبىندە – ادام كاپيتالى

استانادا “نۇر وتان” حدپ, ءبىلىم جانە عىلىم, ەڭبەك جانە حالىقتى الەۋمەتتىك قورعاۋ مينيسترلىكتەرى, “شەتەل ينۆەستور­لارىنىڭ قازاقستاندىق كەڭەسى” قاۋىمداستىعى مەن “اتامەكەن” وداعى” ۇەپ-ءتىڭ ۇيىم­داستىرۋىمەن “قازاقستان رەسپۋبليكاسىنداعى ادام رەسۋرستارىن دامىتۋ: تالاپتار مەن شەشىمدەر” اتتى حالىقارالىق كونفەرەنتسيا ءوتتى. جيىندا ەلىمىزدىڭ ادام كاپيتالىن دامىتۋ ينستيتۋتىنىڭ ماسەلەلەرى, ەڭبەك رىنوگى مەن ءبىلىم سالاسىنىڭ اراسىنداعى تەپە-تەڭدىكتى تۇزۋگە ارنالعان ۇلتتىق كۆاليفيكاتسيالىق جۇيەنىڭ قۇرىلۋى, كاسىبي ستاندارتتاردى دايىنداۋ تەتىكتەرى, ادامنىڭ قۇزىرەتتىلىگىن باعالاۋ, بىلىكتىلىگىن ارتتىرۋ, تەحنيكالىق جانە كاسىبي بىلىكتىلىكتى دامىتۋ جولدارىن ىزدەۋ, ول ءۇشىن وسى سالالارداعى ءبىلىم بەرۋ جۇيەسىن رەفورمالاۋ ارقىلى ولاردى دامىتۋ, مامانداردىڭ باسەكەگە قابىلەتتىلىگىن ارتتىرۋ اياسىندا ۇيلەسىمدى تۇلعانى قالىپتاستىرۋ ماسەلەلەرى تالقىلاندى. كونفەرەنتسيانىڭ العاشقى كۇنى بولعان وتى­رىستاردا وسى ماسەلەلەر بويىنشا “نۇر وتان” حدپ-نىڭ حاتشىسى س.گروموۆ, پرەزيدەنت جانىن­داعى شەتەل ينۆەستورلارىنىڭ قازاقستاندىق كەڭەسى قاۋىمداستىعىنىڭ باسقارما ءتورايىمى ز.قانا­پيانوۆا, ءبىلىم جانە عىلىم, ەڭبەك جانە حالىقتى الەۋمەتتىك قورعاۋ مينيسترلىكتەرىنىڭ جاۋاپتى حات­شىلارى ف.قۋانعانوۆ پەن ب.سادىقوۆ, “اتامەكەن” وداعى” ۇەپ-ءتىڭ توراعاسى ا.پەرۋاشەۆ ءسوز سويلەپ, ءوز پىكىرلەرىن ءبىلدىردى. ولاردىڭ ايتقاندارىنىڭ تو­قە­تەرى ادام دەگەنىمىز قانشالىقتى قىزمەتىنە كو­بىرەك جۇگىنسەڭ, سونشالىقتى قايرالا تۇسەتىن كاپي­تال. ونىڭ ءبىلىمى, جۇمىس ىستەۋ قابىلەتى, قۇزىرەتتىلىگى ۋاقىت وتكەن سايىن ارتا تۇسەدى. سوندىقتان قاي كەزدە بولسىن ءبىز ادامنىڭ مۇمكىندىكتەرىنە باسا ءمان بەرىپ, ولاردىڭ قىزمەتىن ەلىمىزدىڭ ءارى قارايعى دامۋىنا پايدالانۋى ءۇشىن ەڭ باستىسى ادامنىڭ وزىنە قولىنان كەلەتىن ءىستى دالەلدەتتىرىپ, بويىنا وتانسۇيگىشتىك قاسيەتتەردى قالىپتاستىرۋىمىز قا­جەت. جيىندا بىلدىرگەن پىكىرلەرىندە وسىنداي توق­تامعا كەلگەن شەشەندەر ادامنىڭ مۇمكىندىكتەرىنە باي­لانىستى ەلباسىنىڭ جىل سايىنعى جولداۋلا­رىن­دا ايتىلىپ كەلە جاتقانىن, ونىڭ سونداي-اق, ەلى­مىزدىڭ 2020 جىلعا دەيىنگى دامۋىنىڭ ستراتەگيا­لىق جوسپارىندا كورىنىس تاپقانىن كولدەنەڭ تارتتى. وسى ورايدا ءسوز سويلەۋشىلەر قازىرگى ەكونوميكالىق جاعدايدا ادامنىڭ مۇمكىندىكتەرىن پايدالانعان كەزدە ونىڭ جۇمىس ىستەۋى, ونىمدىلىگى مەن باسەكەگە قابىلەتتىلىگى سياقتى فاكتورلاردى باسشىلىققا الۋىمىز كەرەك دەگەن پىكىرلەرىن ءبىلدىردى. داستان كەنجالين.