سالتاناتتى شاراعا عارىشكەر-ۇشقىش, حالىق قاhارمانى, اۆياتسيا گەنەرال لەيتەنانتى تالعات مۇساباەۆ, قازاقستان حالقى اسسامبلەياسى كەڭەسىنىڭ مۇشەسى, ەكونوميكا عىلىمدارىنىڭ دوكتورى اناتولي باشماكوۆ قاتىستى.
مارتەبەلى قوناقتار يۋري گاگارينننىڭ ەسكەرتكىشىنە گۇل شوقتارىن قويعاننان كەيىن مەكتەپ وقۋشىلارىمەن كەزدەسىپ, ساۋالدارىنا جاۋاپ بەردى.
«ماعجان ەلى–ەلىمىزگە, الەمگە ايگىلى تۇلعالاردى تۋدىرعان ولكە. وسى جەردە قازاقستاننىڭ ەكى بىردەي عارىشكەرى تۋىپ ءوستى. ۆلاديمير شاتالوۆ – اقىلشىم, ءارى ۇستازىم. الەكساندر ۆيكتورەنكو–دوسىم. قىزىلجاردىڭ قاسيەتتىتوپىراعىن باسىپ, تاعزىم ەتۋ–مەن ءۇشىن ۇلكەن قۇرمەت», دەدى تالعات امانگەلدى ۇلى.
عارىش الەمىن باعىندىرعان ءۇش قازاقتىڭ ءبىرى تالعات مۇساباەۆ اشىق اسپان كەڭىستىگىنە 8 رەت شىعىپ, 30 ساعات 8 مينۋت بولىپ, گيننەستىڭ رەكوردتار كىتابىنا ەنگەن.
ءىس-شارا پەتروپاۆل قۇرىلىس-ەكونوميكالىق كوللەدجىندە جالعاسىپ, ۇزدىك وقىتۋشىلار مەن ستۋدەنتتەرگە كەڭەس وداعىنىڭ باتىرى, جەرلەسىمىز, عارىشكەر-ۇشقىش الەكساندر ۆيكتورەنكو اتىنداعى سىياقىلار تابىس ەتىلدى.
