ساياسات • 21 ءساۋىر، 2019

باقىت سۇلتانوۆ قازاقستان پراۆوسلاۆ شىركەۋىنىڭ باسشىسىمەن كەزدەستى

363 رەت كورسەتىلدى

نۇر-سۇلتان قالاسىنىڭ اكىمى باقىت سۇلتانوۆ پەن استانا جانە قازاقستان ءميتروپوليتى الەكساندر الدىمىزداعى پراۆوسلاۆ حريستياندارىنىڭ مەرەكەلەرىن ۇيىمداستىرۋ جانە وتكىزۋ ماسەلەلەرىن تالقىلادى. بۇل تۋرالى اكىمدىكتىڭ ءباسپاسوز قىزمەتى حابارلادى.

كەزدەسۋگە، سونداي-اق، استانالىق شىركەۋ وكرۋگىنىڭ وكىلى ارحيماندريد سەرگي قاتىستى. باقىت سۇلتانوۆ ءميتروپوليتتى جانە بارشا پراۆولاۆ حريستياندارىن پاسحا الدىنداعى جەكسەنبى مەرەكەسىمەن جانە كەلە جاتقان پاسحامەن قۇتتىقتادى. اكىم قالا تۇرعىندارىنىڭ رۋحاني ومىرىندەگى پراۆوسلاۆ شىركەۋىنىڭ ماڭىزدى ءرولىن، ونىڭ بەيبىتشىلىك پەن تىنىشتىقتى نىعايتۋداعى ۇلەسىن اتاپ ءوتتى.   

ول مەرەكەلەردى ۇيىمداستىرۋ جانە وتكىزۋ بارىسىندا نۇر-سۇلتان قالاسىنىڭ اكىمدىگى تاراپىنان قاۋىپسىزدىكتىڭ قامتاماسىز ەتىلەتىندىگىن العا تارتتى. قازاقستان ميتروپوليت وكرۋگىنىڭ باسشىسى ءوز كەزەگىندە ماسكەۋ جانە بۇكىل رەسەيدىڭ قاسيەتتى پاتريارحى كيريللدىڭ باتاسىمەن 12 مامىردا قازاقستانعا رەسەيدەن اسا قاسيەتتى قۇداي انانىڭ بەينەسى بار عاجايىپ فەودوروۆ يكوناسىنىڭ جەتكىزىلەتىنىن مالىمدەدى. بۇل – قۇداي انانىڭ بەينەسى بار ەڭ كونە يكونالاردىڭ ءبىرى. ونىڭ تۇراقتى ورنى – قوستروما قالاسىنداعى بوگوياۆلەنسك-اناستاسيا كافەدرالى سوبورى. 

سونىمەن قاتار، كەزدەسۋدە ەلورداداعى ءتورتىنشى پراۆوسلاۆ شىركەۋى قۇرىلىسىنىڭ بارىسى ءسوز بولدى. كەزدەسۋ قورىتىندىسى بويىنشا ميتروپوليت الەكساندر ريزاشىلىعىن ءبىلدىرىپ، باقىت سۇلتانوۆقا كونفەسسياارالىق قارىم-قاتىناستى قولداعانى جانە نىعايتقانى ءۇشىن العىس حاتتى تابىستادى.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار