«قورداي تاس جولىندا ءىرى جول اپاتى بولدى, وزبەكستان ازاماتتارى, 11 ادام قازا تاپتى, جاراقات العاندار كوپ. تۋعان-تۋىستارىنا قايعىرىپ كوڭىل ايتامىن. وزبەكستان رەسپۋبليكاسىنىڭ پرەزيدەنتىنە جەدەلحات جولدادىم. ءبىزدىڭ جولدارىمىزداعى جاعداي ناشار, بۇل تۋرالى مەن ءىىم كەڭەسىندە ايتتىم. ۇكىمەتكە شۇعىل شارالار قابىلداۋدى تاپسىردىم!», — دەلىنگەن حابارلاما ماتىنىندە.
ەسكە سالايىق, 20 ءساۋىر كۇنى ساعات شامامەن 05:00-دە جامبىل وبلىسى قورداي اۋدانىندا الماتى — تاشكەنت تاس جولىنىڭ 181 شاقىرىمىندا Toyota Camry ماركالى كولىك سول باعىتتا كەلە جاتقان جۇك كولىگىمەن سوقتىعىسقان. سوڭىنان كەلە جاتقان جولاۋشىلار اۆتوبۋسى اتالعان اۆتوكولىكتەرمەن سوقتىعىسىپ قالماۋ ءۇشىن جولدان اۋىپ كەتكەن. جول-كولىك وقيعاسى سالدارىنان وقيعا ورنىندا 11 ادام قازا تاۋىپ, 30 ادام زارداپ شەكتى.
