ساياسات • 20 ءساۋىر، 2019

ب.سۇلتانوۆ كوپبالالى انالارمەن كەزدەستى

958 رەت كورسەتىلدى

قالا اكىمىنىڭ قابىلداۋىنا كەلگەن قالا تۇرعىندارى تۇرعىن ءۇي ماسەلەسى، تىركەۋگە تۇرۋ جانە ااك الۋ ماسەلەلەرىن شەشۋگە كومەكتەسۋدى ءوتىندى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.

باقىت سۇلتانوۆ كەزەكتى رەتتە ازاماتتاردى قابىلدادى. قابىلداۋعا كوپبالالى ءبىر توپ انا كەلدى. ولار كوتەرگەن باستى ماسەلەلەر تۇرعىن ءۇي، اتاۋلى الەۋمەتتىك كومەك الۋداعى قيىندىقتار، بالالاردى بالاباقشالارعا جانە جازعى لاگەرلەرگە ورنالاستىرۋعا قاتىستى بولدى. ماسەلەن، ۇلجان مىرزاگەلديەۆا ءتورت بالانى تاربيەلەپ جاتقان جالعىزباستى انا. ول بالاباقشادا جۇمىس ىستەيدى. قازىرگى تاڭدا مەملەكەتتىك قىزمەتكەر رەتىندە جالعا بەرىلەتىن تۇرعىن ءۇي كەزەگىندە تۇر. كەزەتك ول  7183-ءشى ورىندا. الاتىن جالاقىسى 80 مىڭ تەڭگە جالعىز باستى اناعا قارجى جيناپ «تۇرعىنۇيقۇرىلىسجيناقبانكىنىڭ» باعدارلامالارىن پايدالانۋىنا مۇمكىندىك بەرمەيدى. 

سونداي-اق، ونىڭ جانۇياسىنا ااك تولەنبەيتىندىگى بەلگىلى بولدى. ونىڭ بىرنەشە سەبەبى بار: اتاپ ايتقاندا، ءبىرىنشى توقساندا جان باسىنا شاققانداعى ورتاشا تابىس «كەدەيلىك شەگىنەن» جوعارى بولعان.  ءبىر ايدا بەرىلگەن پرەميانىڭ ەسەبىنەن ۇلجان مىرزاگەلديەۆا ااك الا الماي وتىر. «ولار ااك جاڭا فورمات بويىنشا سانادى. ايىرماشىلىق 5 مىڭ تەڭگەگە جۋىق»، – دەدى قوعامدىق دامۋ ىستەرى باسقارماسىنىڭ باسشىسى دانيار ەسين اكىمگە. باقىت سۇلتانوۆ جۇمىسپەن قامتۋ جانە الەۋمەتتىك قورعاۋ باسقارماسىنىڭ وكىلدەرىنە جاعدايدى تاعى دا ءبىر مارتە قاراپ، ااك ەسەپتەرىن قايتا ساناۋدى تاپسىردى. اكىمنىڭ جەكە قابىلداۋىنا كەلگەن انالاردىڭ بارلىعىن تۇرعىن ءۇي ماسەلەسى الاڭداتادى. ولار اكىمنەن مەملەكەتتىك قوردان تۇرعىن ءۇيدى ءبولۋدى جەدەلدەتۋدى سۇرادى. 

«تۇرعىن ءۇي كەزەككە  ساي بەرىلەدى. كەزەكتى اينالىپ ءوتۋ مۇمكىن ەمەس، ولاي بولمايدى دا. بىراق ءبىز كوپبالالى وتباسىلاردىڭ تۇرعىن ءۇي ماسەلەسىن مۇمكىندىگىنشە جىلدام شەشۋگە تىرىسامىز. تۇرعىن ءۇي الۋدىڭ ءتۇرلى نۇسقالارى بار. وزدەرىڭىز بىلەتىندەي، ەلباسى كوپبالالى وتباسىلارعا جىلىنا 2% جەڭىلدىكپەن نەسيە بەرۋدى تاپسىرعان. بۇل شارالار ۇكىمەتتىڭ جەڭىلدەتىلگەن يپوتەكالىق نەسيە ەرەجەلەرىن بەكىتكەننەن كەيىن جۇزەگە اسىرىلاتىن بولادى»، – دەدى قالا اكىمى. قازىر نۇر-سۇلتاندا 12 مىڭعا جۋىق كوپبالالى وتباسى بار. ولاردىڭ 2969-ى تۇرعىن ءۇي كەزەگىندە تۇر. اكىمدىكتە تۇرعىن ۇيگە مۇقتاج ادامدار ءتيىستى قۇجاتتاردى ۇسىنىپ، تۇرعىن ءۇي الۋ ءۇشىن رەسمي تۇردە كەزەككە تۇرۋ كەرەكتىگىن ەسكە سالدى. كوپبالالى انالار كوتەرگەن تاعى ءبىر ماسەلە – تۇرعىلىقتى جەرى بويىنشا تىركەلۋ، بۇل سونداي-اق، ااك الۋ ءۇشىن دە قاجەت. پاتەر يەلەرى كوپبالالى وتباسىلارعا تۇرعىن ءۇيدى جالعا بەرگىسى كەلمەيتىنىن، سوندىقتان انالار پاتەر جالداعان كەزدە بالالاردى پاتەر يەلەرىنەن جاسىرۋعا ءماجبۇر ەكەندىگىن ايتتى. ال ەگەر جالعا بەرگەن كۇننىڭ وزىندە جالعا الۋ قۇجاتىن راسىمدەگىسى كەلمەيدى. ولار مۇندايعا كوممۋنالدىق تولەماقىنىڭ كوتەرىلمەۋى ءۇشىن بارادى. ەگەر تىركەۋدى رەسىمدەسە، كوممۋنالدىق تولەم وسەدى. «ءبىز «رەزەڭكە پاتەرلەرمەن» كۇرەسۋىمىز كەرەك، جالعا بەرىلەتىن بيزنەس زاڭدى بولۋى كەرەك. 

ەگەر ولار جالدامالى تۇرعىن ءۇي ارقىلى تابىس تاپقىسى كەلسە، ءبارىن رەسمي تۇردە جاساۋى ءتيىس. مۇمكىن، بۇل باعالاردىڭ بەلگىلى ءبىر دەڭگەيدە ۇلعايۋىنا الىپ كەلەر، بىراق ءتارتىپ بولادى»، – دەگەن اكىم پاتەردى جالعا بەرۋشىلەرگە اسەر ەتۋ جولدارىن ازىرلەۋ ءۇشىن پوليتسيا ءبولىمىنىڭ وكىلدەرىمەن، باسقا مۇددەلى ۆەدومستۆولارمەن كەزدەسۋ وتكىزۋگە تاپسىرما بەردى. انالار اكىمگە ااك الۋ قيىندىقتارى تۋرالى شاعىمداندى: شىنىمەن ماقساتتى كومەككە مۇقتاج بولا تۇرا، ولاردىڭ كوپشىلىگى ونى الۋ كريتەريلەرىنە سايكەس كەلمەيدى.  انالار زاڭنامانى جەتىلمەگەن دەپ سانايدى.

بۇل ماسەلە جەرگىلىكتى بيلىكتىڭ قۇزىرەتىنە كىرمەيتىندىكتەن، ۇسىنىستاردى جۇمىسپەن قامتۋ جانە الەۋمەتتىك قورعاۋ مينيسترلىگىنە بەرۋ تۋرالى شەشىم قابىلداندى. بۇدان بولەك، كوپبالالى وتباسىلارداعى بالالارعا ارنالعان جەڭىلدىكتەر تۋرالى اقپارات بەرىلدى: بالاباقشالارعا تەگىن بارۋ، قوعامدىق كولىكتە تەگىن ءجۇرۋ، جازعى لاگەرلەرگە بارۋ. قازىر تەگىن جولدامالار از قامتىلعان وتباسىلاردان شىققان بالالارعا بەرىلۋدە. بىراق ەگەر وتباسى تابىسى از دەپ ەسەپتەلمەسە دە، بىردەن ءتورت بالانى جازعى لاگەرگە جىبەرۋ مۇمكىن ەمەس. بۇل ماسەلە بىردەن شەشىلدى. باقىت سۇلتانوۆ بارلىق كوپبالالى وتباسىلاردان شىققان بالالارعا  لاگەرلەرگە اقىسىز جولدامالار بەرۋدى ءبىلىم باسقارماسى باسشىسىنىڭ ورىنباسارى دۋلات جەكەباەۆقا تاپسىردى. وسى جىلدىڭ اقپانىنان باستاپ قالا اكىمى 300-گە جۋىق ازاماتتى قابىلدادى، ونىڭ كوبىسى – كوپبالالى انالار.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار