قوعامدىق كەڭەستىڭ كوشپەلى وتىرىسىنا وبلىس اكىمىنىڭ ورىنباسارى انتون فەدياەۆ,مەملەكەتتىك ورگان, باق وكىلدەرى, بلوگەرلەر قاتىستى. پوليتسيا دەپارتامەنتى جانە «التىن بەسىك» مەكتەپكە دەيىنگى مەكەمەسىنىڭ بىرلەسكەن جوباسى اياسىندا بوبەكتەر قوناقتارعا وزدەرىنىڭ IT-يدەيالارىن ۇسىنىپ, قىلمىس پەن قۇقىق بۇزۋشىلىقتاردىڭ الدىن الۋ بويىنشا قۇراستىرىلعان ەلەكتروندى قۇرىلعىلارى مەن اسپاپتارىن كورسەتتى.
پوليتسيا دەپارتامەنتىنىڭ باستىعى, پوليتسيا گەنەرال-مايورى بەرىك ءبىلالوۆ ءوز سوزىندە جۇرتشىلىقپەن اشىق بايلانىسقا, ەركىن وي-پىكىرلەرگە ەرەكشە كوڭىل بولىنەتىنىن, اشىقتىق پەن سەرۆيزدىك مودەلدەۋدى دىتتەيتىن كەشەندى ءىس-شارالاردى جالعاستىرۋ قوعامدىق كەڭەستىڭ باستى مىندەتى ەكەنىن اتاپ ءوتتى.
«بۇگىنگى تاڭدا پوليتسيا جۇمىسىنىڭ نەگىزگى كورسەتكىشتەرىنىڭ ءبىرى فرونت-وفيستەر قىزمەتىنىڭ تيىمدىلىگىن ارتتىرۋ. پوليتسياعا جۇگىنگەن ادام كەز-كەلگەن ماسەلە بويىنشا بىلىكتى كومەك الۋى ءتيىس. وسى تۇرعىدان العاندا پەتروپاۆلدىق پوليتسەيلەردىڭ فرونت-ءوفيسىنىڭ تاجىريبەسى قولداۋعا تۇرارلىق», - دەدى ءىىم قوعامدىق كەڭەسىنىڭ توراعاسى مارات قوعاموۆ.
قازىرگى ۋاقىتتا وڭىردە 16 فرونت-وفيس جۇمىس ىستەيدى. ولاردىڭ 13-ءى اۋداندىق پوليتسيا بولىمدەرىندە ورنالاسقان.
ءباسپاسوز-كونفەرەنتسياسىندا قوعامدىق كەڭەس مۇشەلەرىنىڭ قاتىسۋىمەن ازاماتتىق قوعاممەن اشىق ديالوگ جاساۋ, قاۋىپسىزدىكتى قامتاماسىز ەتۋ ماسەلەلەرى تالقىلاندى. قازاقستان ادۆوكاتتار وداعىنىڭ پرەزيدەنتى ءانۋار تۇگەلدىڭ ايتۋىنشا, پوليتسيا قىزمەتكەرلەرىنىڭ الەۋمەتتىك جاعىنان قامتاماسىز ەتىلۋى وتە ماڭىزدى. ول 2 جىل بۇرىن بەرىك سۇلتانعازى ۇلىنىڭ باستاماسىمەن سولتۇستىكقازاقستاندىق پوليتسەيلەر ءۇشىن جاتاقحانا تۇرعىزىلعانىن وڭ باعالادى. ۆەدومستۆولىق تۇرعىن ۇيدە 50 پوليتسەي وتباسى تۇرادى. تۇرعىندارمەن ۇيىمداستىرىلعان ەكى جۇزگە جۋىق جەكە كەزدەسۋلەردىڭ دە تاعىلىمى زور. وسىنداي اشىق ديالوگتار تۇيتكىلدى پروبلەمالاردى جەدەل شەشۋگە كومەكتەسەدى, دەدى ول.
وبلىستا 1204 بەينەكامەرا جۇمىس ىستەيدى. ولاردىڭ كومەگىمەن بيىل 272 قىلمىس اشىلىپ, 3700-دەن اسا اكىمشىلىك قۇقىق بۇزۋشىلىق انىقتالدى. ەلەكتروندىق فورماتتا 367 قىلمىستىق ءىس اياقتالىپ, 2 مىڭعا جۋىق اكىمشىلىك حاتتاما تولتىرىلدى. ىشكى ىستەر ورگاندارىن جاڭعىرتۋ شەڭبەرىندە جەكە قۇرام 10 پروتسەنتكە قىسقارتىلدى.
