19 ءساۋىر، 2019

ۇكىمەتتىك جۇمىس توبىنىڭ وسكەمەندەگى ساپارى اياقتالدى

902 رەت كورسەتىلدى

ۆيتسە-پرەمەر ارنايى بارعان ەكىنشى وتباسى – قالا شەتىندەگى جەر ۇيدە 12 بالا ءوسىرىپ وتىرعان چەركاشيندەر اۋلەتى.

 

پرەمەر-ءمينيستردىڭ ورىنباسارى گۇلشارا ابدىقالىقوۆا جەتەكشىلىك ەتكەن ۇكىمەتتىك جۇمىس توبى ەلباسىنىڭ جاڭا الەۋمەتتىك باستامالارىنىڭ نەگىزگى باعىتتارىن ءتۇسىندىرۋ ماقساتىندا شىعىس قازاقستان وبلىسىنا كەلگەن ەدى.

ۇكىمەتتىك دەلەگاتسيانىڭ جۇمىس ساپارى كەشە سەمەي قالاسىندا باستالىپ، بۇگىن وسكەمەندە جالعاستى. گ. ابدىقالىقوۆا باستاعان، ەڭبەك جəنە حالىقتى əلەۋمەتتىك قورعاۋ ءمينيسترى بەردىبەك ساپارباەۆ، دەنساۋلىق ساقتاۋ ءمينيسترى ەلجان ءبىرتانوۆ قوستاعان  رەسمي توپ ەڭ اۋەلى قالاداعى وبلىستىق مامانداندىرىلعان مەديتسينالىق ورتالىقتا 2018 جىلى اشىلعان ەلىمىزدەگى تۇڭعىش روبوتتاندىرىلعان حيرۋرگيا ورتالىعىنىڭ جۇمىسىمەن تانىستى. ەلوردادان كەلگەن مارتەبەلى مەيماندار بۇدان كەيىن د. سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە وبلىس اكتيۆىمەن كەزدەسىپ، ەلباسىنىڭ  «نۇر وتان» پارتياسىنىڭ كەزەكتى XVIII سەزىندە جۇكتەگەن «الەۋمەتتىك قامقورلىق» جاڭا الەۋمەتتىك شارالارى جايىندا باياندادى. كەزدەسۋدە ەڭبەك جəنە حالىقتى əلەۋمەتتىك قورعاۋ، دەنساۋلىق ساقتاۋ، ءبىلىم جانە عىلىم مينيسترلەرى مەن قۇرىلىس جانە تۇرعىن ءۇي-كوممۋنالدىق شارۋاشىلىق كوميتەتىنىڭ توراعاسى اتاۋلى الەۋمەتتىك كومەك، كوپبالالى وتباسىلارعا كورسەتىلەتىن قامقورلىق، دەنساۋلىق، ءبىلىم سالالارىندا قولعا الىنىپ جاتقان جۇمىستار تۋراسىندا اڭگىمەلەدى. دوڭگەلەك ۇستەلدە سەمەيدەگى ەلەكتروتەحنيكالىق كوللەدجدىڭ ديرەكتورى ازات سارپەكوۆ، «NIET.WOMAN» قوعامدىق بىرلەستىگىنىڭ جەتەكشىسى، كوپ بالالى انا ەلۆيرا اللاحۆەرديەۆا مەن وسكەمەندەگى №38 گيمنازيانىڭ ديرەكتورى  ينەسسا چەرنىشەۆا ءسوز الىپ، ءوڭىردىڭ الەۋمەتتىك سالاسىندا جۇزەگە اسىرىلىپ جاتقان شارۋالاردى تىلگە تيەك ەتتى.

ۇكىمەت باسشىسىنىڭ ورىنباسارى جۇمىس ساپارى اياسىندا شاھارداعى ەكى كوپ بالالى وتباسىنىڭ ۇيىنە باردى. جىبەك جولى كوشەسىندە تۇراتىن نۇرلان جەتپىسوۆتىڭ جۇبايى ومىردەن ەرتە وزىپ، بۇگىندە بەس بالاعا ءبىر ءوزى باس-كوز بولىپ وتىرعان كورىنەدى. بىرنەشە جىل پاتەر جالداعان وسكەمەن تۇرعىنىنا «ۆك تەحنوگرۋپپ» جشس-ءسى وزدەرى سالعان كوپقاباتتى ءۇيدىڭ ءبىرىنشى قاباتىنان ەكى بولمەلى پاتەر سىيلاپتى. 

ۆيتسە-پرەمەر ارنايى بارعان ەكىنشى وتباسى – قالا شەتىندەگى جەر ۇيدە 12 بالا ءوسىرىپ وتىرعان چەركاشيندەر اۋلەتى. «رودنيچوك» شارۋا قوجالىعىنىڭ باسشىسى ا.ميتين بۇل وتباسىعا كومەك قولىن سوزىپ، قۇرىلىس ماتەريالدارىن ساتىپ اپەرىپتى. گۇلشارا ابدىقالىقوۆا ەكى وتباسىعا ريزاشىلىعىن جەتكىزىپ، 150 مىڭ تەڭگەنىڭ قارجىلاي سەرتيفيكاتىن تابىس ەتتى.

ۇيلەستىرۋ كەڭەسىنىڭ مۇگەدەكتەردى قورعاۋ سالاسىنداعى كوشپەلى وتىرىسى دا ۇكىمەتتىك دەلەگاتسيانىڭ قاتىسۋىمەن وسكەمەندە ءوتتى. بەينەكونفەرەنتسيا بايلانىسى رەجيمىندەگى جيىندا 2012-2018 جىلدارعا ارنالعان مۇگەدەكتەردىڭ ءومىر ءسۇرۋىن جاقسارتۋ جانە قۇقىقتارىن قامتاماسىز ەتۋ جونىندەگى ءىس-شارالار جوسپارىنىڭ قورىتىندىلارى شىعارىلىپ، 2025 جىلعا دەيىنگى ۇلتتىق جوسپاردىڭ جوباسى تالقىلاندى.

بۇدان سوڭ جۇمىس توبى مۇشەلەرى مۇمكىندىگى شەكتەلۋى بالالارعا ارنالعان «اقنيەت» مەكتەپ-ينتەرناتىنىڭ جۇمىسىمەن تانىسىپ، بالالارعا ارنالىپ سالىنىپ جاتقان 200 ورىندىق اۋرۋحانانىڭ قۇرىلىسىن كوردى.

وسكەمەن



سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

ۇقساس جاڭالىقتار