18 ءساۋىر، 2019

باس پارتيا سەزىندەگى الەۋمەتتىك تاپسىرمالار ويداعىداي ورىندالۋدا

714 رەت كورسەتىلدى

كەشە ءۇشىنشى مەگاپوليستە Nur Otan پارتياسىنىڭ شىمكەنت قالالىق فيليالىنىڭ ءحىح كەزەكتەن تىس كونفەرەنتسياسى ءوتتى. القالى جيىندا ەلىمىزدىڭ باس پارتياسىنىڭ توراعاسى نۇرسۇلتان نازارباەۆ تاپسىرعان بىرقاتار الەۋمەتتىك جوبالاردىڭ ىسكە اسىرىلۋ بارىسى بويىنشا ەسەپ بەرىلدى.

كونفەرەنتسيادا الداعى 23 ساۋىردە نۇر-سۇلتان قالاسىندا وتەتىن «Nur Otan» پارتياسىنىڭ كەزەكتەن تىس XIX سەزىنە قاتىساتىن 30 دەلەگات انىقتالدى.

ەسەپتى كەزدەسۋدە قالا اكىمىنىڭ ورىنباسارى گۇلجان قۇرمانبەكوۆا پارتيا مۇشەلەرىنە ەلباسىنىڭ وتكەن سەزدە بەرگەن تاپسىرمالارى «حالىققا كومەك»، «قۇتتى مەكەن»، «باقىتتى وتباسى» جوبالارىنىڭ مەگاپوليستە قالاي جۇزەگە اسىپ جاتقاندىعى تۋرالى بايانداما جاسادى.

«شىمكەنت قالاسىندا «Nur Otan» پارتياسىنىڭ «قۇتتى مەكەن» جوباسى اياسىندا 6 513 پاتەرلى 132 كوپ قاباتتى تۇرعىن ءۇيدىڭ قۇرىلىسى جۇرگىزىلۋدە. مامىر ايىندا 540 پاتەرلى 10 تۇرعىن ءۇيدىڭ كىلتى تابىستالادى. مۇنىڭ ىشىندە 177-ءى پاتەر كوپبالالى انالارعا بەرىلەدى. ناتيجەسىندە بيىلعى جىلى 1368 الەۋمەتتىك جاعىنان ءالسىز ساناتتاعى جانە جاس وتباسىلار (342 پاتەر) باسپانالى بولادى. «باقىتتى وتباسى» جوباسى اياسىندا قالامىزدا اۋقىمدى جۇمىستار اتقارىلۋدا. مەملەكەتتىك اتاۋلى الەۋمەتتىك كومەك بويىنشا بۇگىنگى كۇنگە 32 559 ازاماتقا ءتۇسىندىرۋ جۇمىستارى جۇرگىزىلىپ، ونىڭ ىشىندە 17 582 وتباسىنىڭ ءوتىنىشى تىركەلدى. سونداي-اق، قالا تۇرعىندارىنىڭ الەۋمەتتىك كارتاسىن جاساقتاۋ جۇمىستارى جۇرگىزىلۋدە. بۇگىنگى كۇنگە دەيىن «ە-حالىق» اقپاراتتىق جۇيەسىنە 21 081 وتباسى (75 725 ادام) ەندى»، دەدى ءوز سوزىندە گۇلجان قۇرمانبەكوۆا.

سونىمەن قاتار، الەۋمەتتىك سالاعا جاۋاپتى اكىم ورىنباسارى وسى جىلدىڭ ءبىرىنشى توقسانىندا شىمقالادا 6021 وتباسىعا الەۋمەتتىك كومەك تاعايىندالىپ، 870 ملن تەڭگە تولەنگەندىگىن ايتتى. ء ارى، جۇمىسپەن قامتۋ ورتالىعىنىڭ ماماندارى كۇنىنە 3 مىڭنان اسا ازاماتتى قابىلداپ، ءتۇسىندىرۋ جۇمىسىن كۇشەيتۋدە حالىقتى جۇمىسپەن قامتۋ ورتالىعىنىڭ 4 اۋداندا 9 فيليال اشىلعاندىعىن تىلگە تيەك ەتتى.

كونفەرەنتسيا بارىسىندا ەلدەگى وتە ماڭىزدى ساياسي ناۋقانعا ءبىلىم بەرۋ مەكەمەلەرى مەن كاسىپكەرلىك سالاسىنىڭ وكىلدەرى، زەينەتكەرلەر مەن دەنساۋلىق ساقتاۋ مەكەمەسىنىڭ جاۋاپتىلارى بەي-جاي قارامايتىندىقتارىن ءبىلدىردى.  پارتيا ارداگەرلەرى، زەينەتكەر ۆالەري گورديەنكو بۇل رەتكى سايلاۋدىڭ ەلىمىز ءۇشىن تاريحي ماڭىزعا يە ەكەندىگىنە توقتالىپ، ءاربىر قازاقستاندىقتى سايلاعا بەلسەنە قاتىسۋعا شاقىردى. شىمكەنت قالاسى № 49 جالپى ورتا مەكتەبىنىڭ ديرەكتورى، كوپ بالالى انا ساۋلە ۋتەباەۆا، شىمكەنت قالالىق №17 فۋتبولدان وليمپيادا رەزەرۆىنىڭ مامانداندىرىلعان بالالار مەن جاسوسپىرىمدەر سپورت مەكتەبىنىڭ ديرەكتورى ەرمەك دارمەنوۆ، «سالەم كومپانيا قازاقستان» جشس-ءنىڭ ديرەكتورى، جەكە كاسىپكەر اياتوللا ازيموۆ جارىسسوزگە شىعىپ، پارتيالىق جوبالاردى ىسكە اسىرۋ بويىنشا ءوز ۇسىنىستارىن ورتاعا سالدى.

«Nur Otan» پارتياسى فيليال توراعاسى، شاھار باسشىسى  عابيدوللا ءابدىراحىموۆ كونفەرەنتسيا جۇمىسىن قورىتىندىلاپ، باحادىر نارىمبەتوۆ باسقاراتىن پارتيا اكتيۆىنە 9 ماۋسىمداعى پرەزيدەنت سايلاۋىنا تىڭعىلىقتى دايىندالۋدى تاپسىردى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار