«دوستار, ەستەرىڭىزدە بولسا, مەكەنجاي انىقتاماسىنان باس تارتۋ كەرەك دەپ جازعان ەدىم. مەكەنجاي انىقتاماسىنىڭ قانشالىقتى قاجەت ەكەنى تۋرالى پوست جازعانىمدا سىزدەردەن كوپتەگەن حاتتار كەلىپ ءتۇستى. انىقتاعانىمىزداي ونى تالاپ ەتۋگە قۇقى جوق مىنا ورگاندار تالاپ ەتەدى: 1) مەملەكەتتىك ورگاندار; 2) ەڭبەك كودەكسىندە كورسەتىلمەسە دە جۇمىسقا قابىلداماس بۇرىن جەكەمەنشىك ۇيىمدار», دەپ جازدى ا. جۇماعاليەۆ فەيسبۋكتاعى پاراقشاسىندا.
مينيستر قازاقستاندىقتاردىڭ تالاپ-تىلەكتەرى ەسكەرىلگەندىگىن اتاپ ءوتتى.
«ازاماتتان مەكەنجاي انىقتاماسىن تالاپ ەتكەندەر حقكو-نا جىبەرمەي-اق, الۋىنا بولادى. جەكە تۇلعالار ءۇشىن قولجەتىمدى قىزمەتتەردەن مەكەنجاي انىقتاماسىن الىپ تاستاۋدى كوزدەيتىن قاناتقاقتى جوبانى قولعا الىپ جاتىرمىز. كادر ءبولىمىنىڭ قىزمەتكەرى ازاماتتىڭ مەكەنجاي انىقتاماسىن SMS كەلىسىمىن الىپ, Egov-قا كىرىپ جۇكتەي الادى», دەپ جازادى مينيستر.
ۆەدومستۆو باسشىسىنىڭ ايتۋىنشا, 7 ميلليوننان استام قازاقستاندىق ازاماتتاردىڭ موبيلدىك بازاسىندا تىركەلگەن. بۇل دەگەنىمىز ولاردىڭ انىقتاماسىن الۋ ءۇشىن ءۇشىنشى تۇلعانىڭ سۇرانىسىن SMS ارقىلى راستايدى جانە ەشقايدا بارۋدىڭ قاجەتى جوق.
«قالعان ازاماتتار حقكو-نا تەلەفون ءنومىرىن تىركەتۋ ءۇشىن بارۋى ءتيىس. بىرنەشە مينۋت ىشىندە تىركەلىپ, كوپتەگەن ارتىقشىلىقتارعا يە بولاسىز. تىركەۋدەن سوڭ ەسق-سىز 25-تەن اسا سەرۆيس پەن Telegram ارقىلى انىقتاما الۋعا بولادى», دەپ اتاپ ءوتتى مينيستر ا. جۇماعاليەۆ.
ا. جۇماعاليەۆ ايتقانداي, جاقىن ارادا قاناتقاقتى جوبانىڭ قاي كۇنى باستالاتىنى انىقتالادى.
«انىقتامانى ءۇشىنشى تۇلعا ارقىلى الۋدى ۇيرەنىڭىزدەر. ەگەر تۇسىنىكسىز بولعان جاعدايدا حقكو قىزمەتكەرلەرى كومەكتەسەدى», دەپ قورىتىندىلادى مينيستر.
