قوعام • 18 ءساۋىر، 2019

ۋنيۆەرسيتەت اۋديتورياسىنان – وندىرىسكە

828 رەت كورسەتىلدى

سوڭعى جىلدارى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتى ءوڭىر كاسىپورىندارىمەن بىرلەسە جۇمىس ىستەۋدە. بۇل كۇندەرى وقۋ ورنى جەرگىلىكتى 278 ءوندىرىس ورنىمەن ەكى جاقتى كەلىسىمشارت جاسادى. ماقسات – كاسىپورىنداردىڭ سۇرانىسىنا ساي وقۋ باعدارلاماسىنىڭ 40 پايىزىن ءوندىرىس ورىندارىندا وتكىزۋ.

ۋنيۆەرسيتەت رەكتورى گاۋھار احمەتوۆانىڭ ايتۋىنشا، بىلتىر وقۋ بىتىرگەن تۇلەكتەردىڭ 96 پايىزى جۇمىسپەن قامتىلعان. ۋنيۆەرسيتەت 2014 جىلدان باستاپ «ماڭگىلىك ەل جاستارى – يندۋسترياعا!» اتتى «سەرپىن» باعدارلاماسى نەگىزىندە تەح­ني­كالىق جانە اگرارلىق مامان­دىق­تار بويىنشا ستۋدەنتتەر دا­يىندايدى. بيىلعى وقۋ جىلىندا 16 ءبىلىم بەرۋ باعدارلاماسى بويىنشا العاشقى 267 ستۋ­­دەنت وقۋلارىن ءتامامدايدى. قازىر ۋنيۆەرسيتەتتە بارلىعى 20 مامان­دىق بويىنشا 550 ستۋدەنت ءبىلىم الۋدا. جىل بويى جۇمىسقا ور­نالاسۋ ماسەلەلەرى بويىنشا جي­نا­لىستار، كەزدەسۋلەر، ترەنينگ­تەر، جارمەڭكەلەر وتكىزىلەدى. بۇگىن­دە 42 ستۋدەنت «قازاقستان اليۋ­مينيى» اق، «KSP Steel» جشس پف، «پرەك» اق، «ERG Service» اق سەكىلدى وندىرىستىك كاسىپ­ورىن­داردا جۇمىسقا ورنالاستى. 

باستىسى، «سەرپىن» باعدارلا­ما­سى­نىڭ العاشقى تۇلەكتەرىنە ءوڭىر­دە جۇمىس ىستەۋ ءۇشىن وبلىس اكىم­دىگى مەن وقۋ ورنى «ەڭبەك» ءناتي­­جەلى جۇمىسپەن قامتۋ جانە جاپ­­پاي كاسىپكەرلىكتى دامىتۋ باع­دار­لاماسىنىڭ ءۇشىنشى باعى­تى – ەڭبەك رەسۋرستارىنىڭ ۇتقىر­­لىعىن ارتتىرۋعا ارنالعان جەڭىل­دىكتەرىن ۇسىنۋدا. ماسەلەن، بيىلعى تۇلەكتەر «وڭىرارالىق قونىس اۋدارۋ» باعدارلاماسىنا قو­سسا، ولارعا تۇرعىن ءۇيدى جال­عا الۋعا سۋبسيديا بەرىلەدى. كوم­مۋنال­دىق شىعىنداردى وتەۋ ءۇشىن بەرى­لەتىن قاراجات تا قولايلى بول­ماق. تۇلەكتەردىڭ اتا-انالارىنا ۋنيۆەرسيتەت اتىنان حات جىبەرىلدى. ياعني، ولاردىڭ وتباسىلارى وڭىرگە كەلىپ، جەڭىلدىكتەردى بالالارىمەن بىرگە پايدالانا الادى. 

بۇل جاقسى جاڭالىق. ەكىن­شى­دەن، «مۇناي-حيميا زاۋىتى» جشس-مەن «مۇناي ءىسى» مامان­دىعى بويىنشا باكالاۆريات ستۋ­دەنتتەرىنە ارنالعان دۋالدى ءبىلىم بەرۋدىڭ بىرلەسكەن باعدارلاماسى جۇرگىزىلۋدە. ستۋدەنتتەر اپتاسىنا ەكى كۇن زاۋىتتا تاجىريبەلىك ءبىلىم الادى. باعدارلاماعا قاتىسۋشى ستۋدەنتتەر جۇمىسقا دا ورنالاسىپ ۇلگەرەدى، ءتيىستى جالاقىعا قا­جەت­تى جەڭىلدىكتەرگە دە يە بولادى.

بىلتىر شارباقتى اۋدانىن­­داعى «پوبەدا» جشس اۋىل شارۋا­­­شى­لىعى كاسىپورنىندا دا دۋال­­دى ءبىلىم بەرۋ بويىنشا وقۋ ور­تالىعى اشىلدى. وندا اگرو­تەح­نولوگيالىق فاكۋلتەتتىڭ ستۋ­دەنت­تەرى وقيدى. بارلىق قولاي­لى تۇرمىستىق جاعداي جاسالعان. 

سونىمەن بىرگە ۋنيۆەرسيتەت عالىمدارى يننوۆاتسيا مەن بيوتەحنولوگيا سالاسىنداعى جوبالاردى دا قولعا الا باستادى. بۇل كۇن­دەرى وقۋ ورنىندا 3 عىلىمي-ءون­دىرىستىك ورتالىق جۇمىس ءىس­تەۋ­دە. بارلىق عالىمداردىڭ كۇش-جىگەرىن بىرىك­تىرۋ جانە ولار­دىڭ جۇمىسى­نىڭ تيىمدىلىگىن ارتتىرۋ ماقساتىندا وقۋ ورنىندا «اگرويننوۆاتسيا جانە بيوتەحنولوگيا عىلىمي-زەرت­تەۋ» ينستيتۋتى قۇرىلىپ جاتىر. 

عالىم توقتار بەكسەيىتوۆتىڭ اي­تۋىنشا، يننوۆاتسيا مەن بيو­تەح­­نو­لوگيالاردىڭ جاڭاشىل ءادىس­تەرىن ەنگىزۋ اۋىل شارۋاشى­لىعى­نىڭ تيىمدىلىگىن ارتتىرۋدا اسا ماڭىزدى. عالىمدار ەلىمىز­دىڭ ءبىلىم جانە عىلىم مينيستر­لىگى، اۋىل شارۋاشىلىعى مينيستر­لىگى جەلىلەرى بويىنشا جانە اۋىل شارۋاشىلىعى تاۋارىن ءوندىرۋ­شى­لەردىڭ وتىنىمدەرى بويىنشا ءبىر­نەشە جوبانى ىسكە اسىردى. زەرت­حانانى اككرەديتتەۋ جانە جاڭا جابدىقتاردى ساتىپ الۋ بويىن­شا جۇمىستار جۇرگىزىلۋدە. وسى­نىڭ ناتيجەسىندە ءوڭىردىڭ اگروونەر­كاسىپتىك كەشەنى سالالارىن دامى­تۋعا عىلىمي قولداۋ كورسەتىلمەك. 

مامانداردى دايارلاۋعا ار­نال­عان باعدارلامالار دۋالدى ءبىلىم بەرۋ جۇيەسىنىڭ نەگىزىندە جۇزە­گە اسىرىلادى. كۋرستىق جۇمىس­تار، ديپ­لومدىق جوبالار جانە ماگيستر­لىك ديسسەرتاتسيالاردىڭ تاقى­رىپتارى كاسىپورىنداردىڭ تالاپ­تارىنا ساي بولماق. ماگيس­ت­رانت­تاردىڭ سىناقتىق-زەرتتەۋ جۇمىستارى سەرىكتەس كاسىپورىن­داردا جۇرگىزىلەدى. 

نەگىزى وقۋ ورنىندا باكالاۆ­رياتتىڭ 64، ماگيست­راتۋ­را­نىڭ 49 جانە دوكتوران­تۋرانىڭ 8 ما­مان­دىعى بويىنشا مودۋلدىك ءبىلىم بەرۋ باعدارلامالارى ءازىر­لەنگەن. ءمودۋلدى ءبىلىم بەرۋ باع­­دار­لامالارى كەزەڭىندە وقۋ جوس­پارلارى، جۇمىس باعدارلاما­لارىن ازىرلەۋگە جۇمىس بەرۋشى­لەر قاتىسادى. ءسويتىپ ناقتى جۇمىس بەرۋشىنىڭ تالاپتارىنا ساي بولاشاق ماماننىڭ ەڭبەك جولى قالىپتاسادى. 

قازىرگى جاڭاشىلدىق – ءوندى­رىس ورىندارىندا كافەدرا في­ليال­دارى قۇرىلۋدا. بۇل جۇ­مىس بەرۋشىلەر مەن سەرىك­تەس­­تەر­­ ۋني­ۆەرسيتەت تۇلەك­تەرىنىڭ ءتا­جى­ريبەلىك دايىن­دى­عىن جاق­سارتۋعا، ءبىلىم بەرۋ باع­دار­لاما­لارى­نىڭ مازمۇنىن جەتىل­دىرۋگە، مامان­داردى جەرگىلىكتى جەرگە دايار­لاۋعا كومەكتەسەدى. كافەد­را­لار فيليالى «ەۋروازيات­تىق ەنەر­گە­تيكالىق كورپوراتسيا­سى»، اقسۋ فەرروقورىتپا زاۋىتى، «كوم­پانيا نەفتەحيم LTD»، «پولي­مەر» كاسىپورىندارى، وبلىس­تىق سا­­ني­تارلىق-ەپيدە­ميو­لو­گيا­لىق سا­راپتاما ورتا­لىعى، ءساۋ­لەت ءجا­نە قۇرىلىس باسقار­ماسى، ءىش­كى سايا­­سات باسقارماسىنىڭ اقپا­­رات­تىق-ساراپتامالىق ور­تالىعى، ستان­دارتتاۋ جانە سەر­­تي­­فيكاتتاۋ ينستيتۋتى، «ۆاگون­سەرۆيس» اق، پاۆلودار اۋدا­نىن­­­داعى اۋىل شارۋاشىلىعى عىلى­­­مي-زەرتتەۋ ينستيتۋتى، و­ب­­لىس­­­تىق گيدرومەتەو­رولوگيا ور­­تا­­لىعى، تۋريزم جانە ەكولو­گيا، با­لالار-جاسوسپىرىمدەر ورتا­­لىعى، گ.پوتانين اتىنداعى وبلىس­تىق ولكەتانۋ مۋزەيى سياقتى وڭىردەگى 65 ءوندىرىس جانە ءىرى سەرىكتەس­تىكتەر­دە اشىلدى. 

كافەدرا فيليالدارىندا ءدارىس­تەر مەن سەمينارلار، زەرتحا­نا­لىق جۇمىستار مەن پراكتيكۋمدار جۇرگىزىلەدى، عىلىمي-زەرتتەۋلەر، كۋرستىق جانە ديپلومدىق جوبالاۋ، سىناقتار، ەمتيحاندار، ديپ­لومدىق جۇمىستار مەن جوبا­لار­دىڭ قورعالۋى وتكىزى­لەدى. زەرتتەۋ ناتيجەلەرى ءوندى­رىس­كە ەنگىزىلەدى، دوكتورانتتار مەن ماگيسترلەر ونى ديسسەر­تا­تسيالارىن قورعاۋدا قولدانا­دى. كاسىپورىن ماماندارى تۇلەك­تەر­دىڭ جۇمىستارىنا رەتسەنزيا جازۋعا قاتىسادى. مەملەكەت­تىك اتتەستاتسيالىق كوميسسيا توراعا­لارى رەتىندە تەك جۇمىس بەرۋشىلەر تارتىلۋدا. بۇل كاسىپ­ورىندار مەن وقۋ ورنى اراسىنداعى ءوزارا ىنتى­ماقتاستىق باعدارلاماسى ستۋدەنتتەر مەن وقۋ ءبىتىرۋشى تۇلەك­تەر ءۇشىن ءتيىمدى دەگەن ءسوز.

پاۆلودار وبلىسى
سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار