كونفەرەنتسيا جۇمىسىنا 180 دەلەگات قاتىستى. جيىندا پارتيا توراعاسى نۇرسۇلتان نازارباەۆتىڭ «حالىققا كومەك», «باقىتتى وتباسى», «قۇتتى مەكەن» جوبالارىنىڭ ىسكە اسىرىلۋ جايى تالقىلاندى.
جيىن بارىسىندا وبلىس اكىمىنىڭ ورىنباسارى ولجاس سماعۇلوۆ جوبالاردىڭ ورىندالۋى بويىنشا بايانداما جاسادى.
ونىڭ ايتۋىنشا, جوبا اياسىندا, كوپ بالالى جانە تۇرمىسى تومەن وتباسىنا قوسىمشا كومەك كورسەتۋ تاپسىرماسىنا ساي بيىلعى جىلى حالىقتىڭ الەۋمەتتىك وسال توپتارىنا 720 پاتەر بەرىلەدى. جالپى تۇرعىن ۇيمەن قامتاماسىز ەتۋ ماسەلەسى وبلىس باسشىلىعىنىڭ ەرەكشە نازارىندا تۇر. ونى شەشۋ ءۇشىن بيۋدجەتتەن تىس قارجى كوزدەرىن تارتۋ جوسپارلانىپ وتىر, سونىڭ ەسەبىنەن جىل سايىن كەمىندە 110 قوسىمشا پاتەر سالىناتىن بولادى.
«اۋىل ەل-بەسىگى» جوباسىنا وبلىستا 1,2 ملرد قارجى بولىنەدى. اتاپ ايتقاندا, اۋىلداردا دەنەشىنىقتىرۋ-ساۋىقتىرۋ كەشەنى سالىنىپ, كوشەلەردى جوندەۋ جانە كوگالداندىرۋ باستالادى. «قۇتتى مەكەن» جوباسى بويىنشا وسى جىلى 18 اۋىلدىق ەلدىمەكەندى گازداندىرۋ جۇمىستارى باستالادى.
كونفەرەنتسيا سوڭىندا «نۇر وتان» پارتياسىنىڭ كەزەكتەن تىس 19-شى سەزىنە دەلەگاتتار سايلاندى.
«بۇل ۇلكەن سەنىم, ءارى جاۋاپكەرشىلىك. وبلىسىمىزدى جەتكىلىكتى تۇردە تانىتاسىزدار دەگەن سەنىمدەمىن», - دەدى ايماق باسشىسى سايلانعان دەلەگاتتارعا.
