كونفەرەنتسيا بارىسىندا «باقىتتى وتباسى», «حالىققا كومەك», «اۋىل – ەل بەسىگى» جانە «قۇتتى مەكەن» ۇلتتىق جوبالارىنىڭ جۇزەگە اسىرىلۋى جايلى تالقىلاندى.
جالپى, بۇل جالپىۇلتتىق جوبالاردى ەلباسى نۇرسۇلتان نازارباەۆ پارتيانىڭ كەزەكتى XVIII سەزىندە انىقتاپ بەرگەن الەۋمەتتىك باسىمدىقتار.
جوبالاردىڭ ماقساتى–حالىقتى الاڭداتقان وزەكتى ماسەلەلەردى شەشۋگە پارتيا تاراپىنان ۇلەس قوسۋ.
پارتيا وبلىستىق فيليالىنىڭ توراعاسى, وبلىس اكىمى بولات باقاۋوۆ ايتىپ وتكەندەي, سوندىقتان-«حالىققا كومەك» جوباسى تۇرعىنداردىڭ كۇندەلىكتى تۇرمىس جاعدايلارىنا نازار اۋدارۋ, قولداۋ , كومەكتەسۋ.
ءاربىر پارتيا مۇشەسىنە اتالعان جوبالاردىڭ ماڭىزدىلىعىن ءتۇسىنىپ, ولاردى جۇزەگە اسىرۋعا بەلسەندى اتسالىسۋدى تاپسىردى.
– بۇل كۇندەرى وڭىردەگى بارلىق قوعامدىق قابىلداۋ بولمەلەرىندە 14 الەۋمەتتىك تەرەزە اشىلدى. سول ارقىلى ازاماتتار كەز كەلگەن سۇراعىن جولداي الادى. وسى كۇنگە دەيىن 673 ءوتىنىش كەلىپ ءتۇستى. قازىر 67 ءوتىنىش شەشىمىن تاپتى,-دەدى فيليال توراعاسىنىڭ ءبىرىنشى ورىنباسارى نيكولاي دىچكو.
سونىمەن بىرگە, «باقىتتى وتباسى» پارتيالىق جوباسى بارىسىندا از قامتاماسىز ەتىلگەنن جانە كوپبالالى وتباسىلاردى قولداۋ ء ۇشىن 3,3 ملرد تەڭگە قاراستىرىلعان.
وسى وتباسىلاردىڭ بالالارىن بالاباقشالارعا ورنالاستىرىپ, اپارۋ ءۇشىن 391,8 ميلليون تەڭگە, وقۋشىلاردى مەكتەپتەردە تەگىن تاماقتاندىرۋعا 824 تەڭگە, ال بالالاردىڭ جازعى لاگەرلەردە دەمالۋى ماقساتىندا 305 ميلليون تەڭگە بولىنۋدە.
سونىمەن بىرگە, وبلىس اكىمى ەلىمىزدەگى الدا كەلە جاتقان ماڭىزدى ۋاقىت پرەزيدەنتتىك سايلاۋ جونىندە ايتىپ ءوتتى.
- مەملەكەت باسشىسى قاسىم-جومارت توقاەۆ 9 ماۋسىمدا كەزەكتەن تىس پرەزيدەنتتىك سايلاۋ وتەتىنىن مالىمدەدى, - دەدى بولات باقاۋوۆ.
–بىزدەر وسى ساياسي شارادا ىشكى جانە سىرتقى ساياساتىمىزدىڭ تۇراقتىلىعىن تانىتۋىمىز قاجەت. ەلباسىنىڭ الەۋمەتتىك باعدارلامالارىن جۇزەگە اسىرۋدى جالعاستىرۋىمىز قاجەت.
كونفەرەنتسيا سوڭىندا 23 ساۋىردە نۇر-سۇلتاندا وتەتىن «Nur Otan» پارتياسىنىڭ ءحىح كەزەكتەن تىس سەزىنە 35 پارتيا مۇشەسى باراتىن بولدى.
