ءتۇپ-تامىرى تاريحتىڭ التىن قويناۋىنان باستاۋ العان قازاقستاندى الدا ودان دا ۇلكەن ىستەر كۇتىپ تۇر. الەمنىڭ دامىعان وزىق وتىز ەلىنىڭ قاتارىنا كىرۋ ءۇشىن بار كۇش-جىگەرىمىزدى سالىپ ەڭبەك ەتۋدەمىز. بۇل ءۇشىن عاسىر شەجىرەسىن جالعاپ, الداعى بەس جىلدا ەلىمىزدىڭ ساياسي-ەكونوميكالىق باعىتىن ءجۇرگىزەتىن كوشباسشىمىزدى ايقىنداپ الۋىمىز قاجەت. ويتكەنى قازاقستانعا بۇگىنگى تاڭدا ەڭ باستىسى ساياسي-ەكونوميكالىق تۇراقتىلىق پەن قوعامدىق بەيبىتشىلىك كەرەك. ەلباسىمىز نۇرسۇلتان ءابىش ۇلى نازارباەۆ نەگىزىن قالاعان قازاقستاننىڭ ۇزاق مەرزىمدى دامۋ ستراتەگياسى تابىستى جۇزەگە اسارى انىق. كەلەشەكتە دە تۇڭعىش پرەزيدەنتىمىزدىڭ سالعان سارا جولى مەن سارابدال ساياساتى جالعاسىن تابادى دەپ ويلايمىن.
بۇگىنگى تاڭدا قوعامدى الاڭداتىپ وتىرعان ماسەلەلەر وتە كوپ. ارينە جاقىن بولاشاقتا ولار ءوز شەشىمىن تاپپاق. قازاقستان ەگەمەن ەل اتانعان كۇننەن-اق تىزگىنى دانا ساياساتشىنىڭ قولىندا بولىپ, بۇگىندە قۋاتتى ەلدىڭ كورىنىسىنە اينالدى. ازاتتىقتىڭ العاشقى كۇنىنەن ەسەپتەگەندە بۇگىنگە دەيىن ەلىمىزدە تىڭ وزگەرىستەر ورىن الدى. داعدارىستىڭ تار قىسپاعىندا تالاي ەلدىڭ ساعى سىنعان كەزەڭدەردە دە باي, قۋاتتى مەملەكەتىمىزدە جىل سايىن الەۋمەتتىك جاعىنان از قامتىلعان ادامدارعا كورسەتىلەتىن جاردەم, زەينەتاقى مەن شاكىرتاقىنى ۇدايى ءوسىرىپ وتىردى.
بۇگىندە ەلىمىز اسا ماڭىزدى تاريحي كەزەڭدى باستان ءوتكەرۋدە. التى قۇرلىق تانىعان قازاقستاننىڭ بولاشاق تاعدىرى الەم ەلدەرىنىڭ دە نازارىنان تىس قالماعان. بۇل تۋرالى پرەزيدەنت قاسىم-جومارت توقاەۆ قازاقستان حالقىنا ۇندەۋىندە «ءبىز ەلباسىنىڭ سارا جولىمەن جۇرەمىز. حالقىمىز – ءبىرتۇتاس. تاۋەلسىزدىگىمىزدىڭ ەڭ جوعارى قۇندىلىعى رەتىندە مەملەكەتىمىزدىڭ ىرگەسى مىعىم. الداعى پرەزيدەنتتىك سايلاۋ وسىعان دالەل بولۋى كەرەك. سوندىقتان ەلدەگى قوعامدىق-ساياسي كەلىسىمدى قامتاماسىز ەتىپ, العا باسۋ ءۇشىن, الەۋمەتتىك-ەكونوميكالىق ماقسات-مىندەتتەردى لايىقتى جۇزەگە اسىرۋ ءۇشىن بىزگە ايقىندىق قاجەت. ونىڭ ۇستىنە, الەمدەگى احۋال ب ۇلىڭعىر بولىپ تۇر. بۇل وتانىمىزدىڭ قاۋىپسىزدىگىنە سىن-قاتەر اكەلۋى مۇمكىن. ىشكى جانە سىرتقى ساياساتتاعى ساباقتاستىق پەن تۇراقتىلىقتى ساقتاپ, ەلباسى ۇسىنعان الەۋمەتتىك باعدارلامالاردى ويداعىداي ءساتتى ءارى ءتيىمدى ىسكە اسىرۋىمىز كەرەك. مۇنداي شەشىم تەك حالىقتىڭ تىكەلەي ەركىمەن سايلاۋدا قابىلدانۋى قاجەت», دەگەن بولاتىن. سوندىقتان دا ءبارىمىز اتالعان سايلاۋعا ءبىر كىسىدەي اتسالىسۋىمىز, ءبىر جاعادان باس, ءبىر جەڭنەن قول شىعارىپ, مەمەلەكەت باسشىسىن تاڭداۋىمىز قاجەت.
فاحريددين قاراتاەۆ,
پارلامەنت ءماجىلىسىنىڭ دەپۋتاتى
