فورۋم بارىسىندا قاتىسۋشىلارعا كونستيتۋتسيالىق وزگەرىستەردىڭ ماڭىزى, ولاردىڭ ەلدىڭ ودان ءارى دامۋىنا جانە ادىلەتتى, پروگرەسسيۆتى قوعام قالىپتاستىرۋداعى ءرولى ءتۇسىندىرىلدى. سونداي-اق رەفەرەندۋمنىڭ قازاقستاننىڭ بولاشاعى ءۇشىن ماڭىزدىلىعىنا ەرەكشە نازار اۋدارىلدى.
فورۋمعا مىڭعا جۋىق جاس قاتىستى. ولاردىڭ قاتارىندا ستۋدەنتتەر, جۇمىسشى ماماندىق يەلەرى, ۇلتتىق كومپانيالاردىڭ قىزمەتكەرلەرى, مەديتسينا سالاسىنىڭ وكىلدەرى, شىعارماشىل جاستار جانە وزگە دە بەلسەندى ازاماتتار بار.
ورتالىق رەفەرەندۋم كوميسسياسى ۇگىت جۇمىستارىنىڭ قاشان اياقتالاتىنىن مالىمدەدى
جيىندا جەزقازعان قالالىق جاستار رەسۋرستىق ورتالىعىنىڭ ديرەكتورى ساكەن قايراتوۆ, «Amanat» پارتياسىنىڭ «جاستار رۋحى» جاستار قاناتى وبلىستىق فيليالىنىڭ ءتورايىمى نۇرگۇل تالعاتبەكوۆا, سونداي-اق «ۇلار- ۇلىتاۋ» قوعامدىق بىرلەستىگىنىڭ توراعاسى اباي وراز ءسوز سويلەدى. سپيكەرلەر جاستاردىڭ ەلدىڭ قوعامدىق-ساياسي ومىرىنە بەلسەندى قاتىسۋىنىڭ ماڭىزدىلىعىن اتاپ ءوتىپ, مەملەكەت بولاشاعىنا قاتىستى ماسەلەلەردە بەلسەندى بولۋعا شاقىردى.
فورۋم كونتسەرتتىك باعدارلامامەن جالعاستى. شارا بارىسىندا جاس ورىنداۋشىلار پاتريوتتىق اندەر ورىندادى.
قاسىم-جومارت توقاەۆ جاستاردى رەفەرەندۋمعا بەلسەنە قاتىسۋعا شاقىردى
ءىس-شارا اشىق ديالوگ پەن پىكىر الماسۋعا ارنالعان الاڭعا اينالىپ, ءوڭىردىڭ بەلسەندى جاستارىن الداعى رەفەرەندۋمدى قولداۋ جانە قازاقستاننىڭ ودان ءارى دامۋى يدەياسى توڭىرەگىندە بىرىكتىردى.
ناۋرىزناما ونكۇندىگى اياسىندا «رەفەرەندۋم – 2026» اتتى ونلاين مارافون وتەدى
ۇلىتاۋ وبلىسى
