فوتو: دەنساۋلىق ساقتاۋ مينيسترلىگى
مينيسترلىك مالىمەتىنشە, زاڭ بۇزۋشىلىق فاكتىسى انىقتالعاننان كەيىن ءتيىستى قۇزىرلى مەكەمەلەردىڭ قاتىسۋىمەن كەشەندى تەكسەرۋ جۇرگىزىلگەن.
«جەدەل شارالار شەڭبەرىندە پوليتسيا قىزمەتكەرلەرىنىڭ قاتىسۋىمەن «كەمەل» جك وكىلدەرى جالپى كولەمى 144 كيلوگرامدى قۇرايتىن انىقتالعان مەديتسينالىق قالدىقتاردى جيناۋدى جۇزەگە اسىردى. بارلىق ماتەريالدار تاركىلەنىپ, كاسىپورىن اۋماعىنا ورنالاستىرىلدى. قورشاعان ورتاعا جانە سانيتاريالىق-ەپيدەميولوگيالىق جاعدايعا ىقتيمال اسەرىن باعالاۋ ماقساتىندا ماماندار توپىراقتان سىنامالار الدى. زەرتحانالىق زەرتتەۋلەر ميكروبيولوگيالىق جانە سانيتاريالىق-حيميالىق كورسەتكىشتەر بويىنشا جۇرگىزىلىپ جاتىر», دەلىنگەن حابارلامادا.
مينيسترلىك قالدىقتار تابىلعان اۋماققا, وعان ىرگەلەس جەرلەرگە دەزينفەكتسيالىق جۇمىستار جۇرگىزىلگەنىن مالىمدەدى.
جاۋاپتى ورگاننىڭ مالىمەتىنشە, قازىرگى تاڭدا تەكسەرۋ ماتەريالدارى قۇقىقتىق باعا بەرۋ ءۇشىن ءتيىستى ورگاندارعا جولدانعان. تەرگەۋ ناتيجەسى بويىنشا كىنالى تۇلعالار زاڭناماعا سايكەس جاۋاپكەرشىلىككە تارتىلادى. زەرتحانالىق زەرتتەۋلەردىڭ الدىن الا قورىتىندىسى 3-7 كۇن ىشىندە بەلگىلى بولماق.
«سترەپتوتسيدكە» تىيىم سالىندى: پرەپارات ەندى قازاقستان ءدارىحانالارىندا ساتىلمايدى
ەسكە سالا كەتەيىك, الەۋمەتتىك جەلىدە باتىس قازاقستان وبلىسى بايتەرەك اۋدانى بايقونىس اۋىلى تۇرعىندارىنىڭ قوقىس الاڭىنان مەديتسينالىق قالدىقتار تاۋىپ العانى جونىندە بەينەجازبا تارادى. ۆيدەودا قان سىنامالارى مەن شپريتستەردىڭ شاشىلىپ جاتقانى كورسەتىلگەن.
بۇدان بولەك, دەنساۋلىق ساقتاۋ مينيسترلىگى ەلىمىزدە انتيبيوتيكتەردى رەتسەپتىسىز ساتۋعا باقىلاۋ كۇشەيتىلەتىندىگىن حابارلادى. مامانداردىڭ ايتۋىنشا, انتيبيوتيكتەردى دارىگەردىڭ تاعايىنداۋىنسىز ساتىپ الۋ ينفەكتسيالارعا قارسى قولدانىلاتىن دارىلەردىڭ تيىمدىلىگىن تومەندەتىپ, انتيبيوتيككە توزىمدىلىكتىڭ كۇشەيۋىنە سەبەپ بولادى.
