بۇل تۋرالى مارقۇمنىڭ اپكەسى «AIRAN» ارناسىنا بەرگەن سۇحباتىندا مالىمدەدى. تۋىسىنىڭ ايتۋىنشا, ايەلدىڭ ولىمىنە كۇدىكتى ادام قازىردىڭ وزىندە ۇستالعان.
سىرتقى ىستەر مينيسترلىگى بۇل ماسەلەگە بايلانىستى مارقۇمنىڭ وتباسىمەن جانە پولشاداعى قۇزىرلى ورگاندارمەن تۇراقتى بايلانىستا ەكەنىن حابارلادى. ۆەدومستۆو كونسۋلدىق-قۇقىقتىق ماسەلەلەر بويىنشا, سونىڭ ىشىندە ءمايىتتى قازاقستانعا جەتكىزۋ ىسىنە قاجەتتى كومەك كورسەتىپ جاتقانىن مالىمدەدى.
ەسكە سالايىق, ەكاتەرينا شيلوۆانىڭ جوعالعانى تۋرالى اقپارات اقپان ايىندا Facebook جەلىسىندەگى «ۆارشاۆا زدەس» توبىندا جاريالانعان ەدى. تۋىستارىنىڭ ايتۋىنشا, ونىمەن بايلانىس 18 اقپان كۇنى ساعات 23:00 شاماسىندا ۇزىلگەن. سول كەزدە ول ۆارشاۆادان استاناعا ۇشىپ كەلۋى ءتيىس بولعان, الايدا ول ۇشاققا وتىرماعان.
جاقىندارىنىڭ ايتۋىنشا, جوعالار الدىندا ەكاتەرينانىڭ تەلەفونىنان كۇماندى حابارلاما كەلگەن. وندا ونى گەرمانياعا «جاقسى جۇمىسقا» كەنەتتەن شاقىرعانى ايتىلىپ, سول سەبەپتى بيلەتتەن باس تارتىپ, كەيىن حابارلاساتىنى جازىلعان. الايدا تۋىستارى بۇل حابارلامانىڭ ءماتىنى ەكاتەرينانىڭ جازۋ ستيلىنە ۇقسامايتىنىن ايتىپ, ونى باسقا بىرەۋ جازعان بولۋى مۇمكىن دەپ كۇماندانعان.
اقتوبەدە قوقىس الاڭدارىنىڭ بىرىنەن ەر ادامنىڭ ءمايىتى تابىلدى
وسى حابارلامادان كەيىن ونىڭ تەلەفونى ءوشىپ قالعان. كەيىننەن ايەلدىڭ ءمايىتى تابىلىپ, ءىس بويىنشا تەرگەۋ باستالدى. قازىر وقيعانىڭ بارلىق ءمان-جايى انىقتالىپ جاتىر.
