بۇگىندە ەلىمىزدە مەملەكەتتىك باسقارۋ جۇيەسىن جاڭارتۋ باعىتىندا اۋقىمدى وزگەرىستەر جۇزەگە اسىرىلۋدا. پرەزيدەنت باستاماسىمەن قولعا الىنعان رەفورمالار اياسىندا ءماسليحاتتاردىڭ وكىلەتتىگى كەڭەيىپ, ولاردىڭ قوعام ومىرىندەگى ورنى نىعايا ءتۇستى. اسىرەسە, جەرگىلىكتى دەڭگەيدەگى شەشىمدەردى قابىلداۋ بارىسىندا حالىقتىڭ پىكىرىن ەسكەرۋ, قوعامدىق باقىلاۋدى كۇشەيتۋ جانە وڭىرلەردىڭ دەربەستىگىن ارتتىرۋ ماسەلەلەرى ەرەكشە نازارعا الىنىپ وتىر.
سەنات دەپۋتاتى رەتىندە ايتارىم, پارلامەنتتىڭ جوعارعى پالاتاسى وڭىرلەردىڭ مۇددەسىن قورعاۋدا جانە جەرگىلىكتى باستامالاردى قولداۋدا ماڭىزدى ءرول اتقارادى. سەنات پەن ءماسليحاتتاردىڭ ءوزارا ءتيىمدى بايلانىسى ەلدەگى زاڭنامالىق باستامالاردىڭ ساپاسىن ارتتىرىپ, وڭىرلەردەگى وزەكتى ماسەلەلەردى جۇيەلى تۇردە شەشۋگە مۇمكىندىك بەرەدى. ويتكەنى ءبىز وڭىرلەردەگى ناقتى جاعدايدى, حالىقتىڭ سۇرانىسىن ەڭ الدىمەن جەرگىلىكتى دەپۋتاتتار ارقىلى بىلەمىز.
قازىرگى تاڭدا ەلىمىزدىڭ ايماقتارىندا الەۋمەتتىك-ەكونوميكالىق دامۋ ماسەلەلەرى, ينفراقۇرىلىمدى جاڭارتۋ, اۋىلدىق ەلدى مەكەندەردى دامىتۋ, كاسىپكەرلىكتى قولداۋ, تۇرعىنداردىڭ ءومىر ساپاسىن ارتتىرۋ سياقتى ماڭىزدى مىندەتتەر تۇر. بۇل مىندەتتەردى ءتيىمدى ىسكە اسىرۋدا ءماسليحات دەپۋتاتتارىنىڭ بەلسەندىلىگى مەن جاۋاپكەرشىلىگى ايرىقشا ماڭىزعا يە. سەبەبى ءماسليحات – حالىقتىڭ سەنىم مانداتىنا يە بولعان وكىلدى ورگان.
توقاەۆ: ءماسليحاتتاردىڭ وكىلەتتىگىن ودان ءارى كەڭەيتىپ, ناقتىلاي ءتۇسۋ قاجەت
سونىمەن قاتار جەرگىلىكتى باسقارۋ جۇيەسىن جەتىلدىرۋ – مەملەكەتتىك ساياساتتىڭ باسىم باعىتتارىنىڭ ءبىرى. اۋىل اكىمدەرىن تىكەلەي سايلاۋ تاجىريبەسى, جەرگىلىكتى بيۋدجەتتەردىڭ مۇمكىندىگىن كەڭەيتۋ, وڭىرلەردىڭ ەكونوميكالىق دەربەستىگىن ارتتىرۋ سەكىلدى باستامالار ەلىمىزدەگى دەموكراتيالىق ينستيتۋتتاردىڭ نىعايا تۇسكەنىن كورسەتەدى. مۇنداي وزگەرىستەر حالىقتىڭ مەملەكەت باسقارۋىنا دەگەن سەنىمىن ارتتىرىپ, قوعامداعى جاۋاپكەرشىلىك مادەنيەتىن قالىپتاستىرۋعا ىقپال ەتەدى.
ءماسليحات دەپۋتاتتارىنىڭ رەسپۋبليكالىق فورۋمى – تاجىريبە الماسىپ, وزەكتى ماسەلەلەردى اشىق تالقىلايتىن ماڭىزدى الاڭ. مۇندا ايتىلعان ۇسىنىستار مەن پىكىرلەر وڭىرلىك ساياساتتى جەتىلدىرۋگە, سونداي-اق جەرگىلىكتى ءوزىن-ءوزى باسقارۋ ينستيتۋتتارىن نىعايتۋعا باعىتتالعان ناقتى شەشىمدەردىڭ قابىلدانۋىنا نەگىز بولادى دەپ سەنەمىن.
پرەزيدەنت: ءماسليحاتتار تولىق تسيفرلىق مەملەكەت قۇرۋ ماسەلەسىنە بەلسەندى اتسالىسۋى قاجەت
ەڭ باستىسى – ءبىزدىڭ بارلىق جۇمىسىمىزدىڭ تۇپكى ماقساتى حالىقتىڭ ءال-اۋقاتىن ارتتىرۋ, وڭىرلەردىڭ تۇراقتى دامۋىن قامتاماسىز ەتۋ جانە ادىلەتتى قوعام قۇرۋ ەكەندىگىن ۇمىتپاۋىمىز كەرەك. وسى باعىتتا پارلامەنت سەناتى, ءماسليحاتتار جانە اتقارۋشى بيلىك ورگاندارى بىرلەسە جۇمىس ىستەگەندە عانا ناقتى ناتيجەگە قول جەتكىزە الامىز.
بەكبولات ورىنبەكوۆ,
سەنات دەپۋتاتى
