اتىراۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىندا ك.-عا قاتىستى اكىمشىلىك ءىس قارالدى. وعان اكىمشىلىك قۇقىق بۇزۋشىلىق تۋرالى كودەسىنىڭ 440-1-بابىنىڭ 1-بولىگىمەن (ەسىرتكى, پسيحوتروپتىق زاتتاردى, سول تەكتەستەردى, سونداي-اق كۇشتى اسەر ەتەتىن زاتتاردى مەديتسينالىق ەمەس ماقساتتا تۇتىنۋ) جانە 434-بابىنىڭ 2-بولىگىمەن (ۇساق بۇزاقىلىق) اكىمشىلىك حاتتاما تولتىرىلعان.
«2026 جىلعى 8 ناۋرىزدا ازامات ك. اتىراۋ قالاسىنداعى ازاتتىق داڭعىلىندا ۇستالىپ, تەكسەرۋ بارىسىندا ونىڭ مەديتسينالىق ەمەس ماقساتتا ەسىرتكى زاتتارىن, اتاپ ايتقاندا, «PVP» (الفا پيرروليدينوپەنتيوفەنون), «ترم» (مەتابوليتى تروپيكاميدا) قولدانعانى انىقتالعان. سونداي-اق, ك. اكىمشىلىك جازا قولدانىلعاننان كەيىن ءبىر جىل ىشىندە قايتالاپ, اتىراۋ وبلىستىق اۋرۋحاناسىندا بىلاپىت سوزبەن اينالاسىنداعىلارعا قۇرمەتسىزدىك كورسەتىپ, قوعامدىق ءتارتىپتى بۇزعان», دەپ حابارلادى اتالعان سوتتان.
قۇقىق بۇزۋشى ك.-ءنىڭ كىناسى اكىمشىلىك قۇقىق بۇزۋشىلىق تۋرالى, ساۋال قويۋ حاتتامالارىمەن, مەديتسينالىق كۋالاندىرۋ قورىتىندىسىمەن, بەينەجازبالارمەن تولىق دالەلدەندى.
سوت قاۋلىسىمەن ك. كىنالى دەپ تانىلدى. قۇقىق بۇزۋشىلىقتىڭ سيپاتى, قۇقىق بۇزۋشىنىڭ مىنەز-قۇلقى ەسكەرىلىپ, وعان 30 تاۋلىككە اكىمشىلىك قاماققا الۋ جازاسى قولدانىلدى.
شىعىس قازاقستاندا اس ءۇي ورىندىعىنا ەسىرتكى ساقتاعان تۇرعىن ۇستالدى
سوت قاۋلىسى زاڭدى كۇشىنە ەندى.
