سايىسقا ينستيتۋتتىڭ 3 كۋرس ستۋدەنتتەرىنەن «Key to life», «Kinest», «Tۋربو», «Smard dreams», «Transformers» جانە «Mاتەماتيكتەر» بولىپ 6 كوماندا قاتىستى.
ينفورماتيكا جانە ءبىلىمدى اقپاراتتاندىرۋ كافەدراسى مەن پەداگوگيكالىق STEM-پاركتىڭ عىلىمي جەتىستىكتەرىنىڭ كورمەسى ۇيىمداستىرىلىپ, وندا ستۋدەنتتەردىڭ ءوز قولدارىمەن جاسالعان روبوتتارى, «اقىلدى ءۇي», «اقىلدى سەبەت» ءتارىزدى جۇمىستارى قويىلدى.
ينتەللەكتۋالدىق سايىستى ماتەماتيكا, فيزيكا جانە ينفورماتيكا ينستيتۋتىنىڭ ديرەكتورى مۇرات بەكپاتشاەۆ اشىپ, تالانتتى جاس عالىمداردىڭ ءوز شىعارماشىلىق قابىلەتىن شىڭداۋىنا قولداۋ كورسەتۋ ءۇشىن ينتەللەكتۋالدىق سايىستاردىڭ تۇراقتى تۇردە وتكىزىلەتىندىگىن ايتتى.
سايىس ناتيجەسى بويىنشا اقجولتاي تۇرعانباي ۇلى, ايبار باقداۋلەت, ەرنۇر جاڭاباي سەكىلدى جاستاردان قۇرالعان «تۋربو» كومانداسى 3-ءشى ورىندى, جاننا ورىنبەك, مەيىرجان جارقىنبەك, ايدوس سادىق سياقتى جاستاردان قۇرالعان «كey to life» كومانداسى 2-ءشى ورىندى, باعيلا ابدىقالىقوۆا, ايگەرىم تۇلەندى جانە جانىبەك ءابىل «Smard dreams» كومانداسى 1-ءشى ورىندى يەلەندى.
ينفورماتيكا جانە ءبىلىمدى اقپاراتتاندىرۋ كافەدراسىنىڭ مەڭگەرۋشىسى, ءادىل قازىلار توراعاسى ەسەن بيدايبەكوۆ كافەدرا ۇجىمى مەن پەداگوگيكالىق STEM-پاركتىڭ ديرەكتورى ەربولات جامەنكەەۆتىڭ, ستۋدەنتتەردىڭ ينتەللەكتۋالدىق ءتۇرلى جوبالاردى قولعا العاندىعىنا توقتالدى. الداعى ۋاقىتتا ينفورماتيكا جانە ءبىلىمدى اقپاراتتاندىرۋ كافەدراسى جانە پەداگوگيكالىق STEM-پاركتىڭ ۇيىمداستىرۋىمەن قۇراستىرىلعان روبوتوتەحنيكالاردىڭ تۋىندىلارىمەن جانە ونىڭ مۇمكىندىكتەرىن كەڭىنەن تانىستىراتىن بولادى.
