قوعامدىق قابىلداۋعا «تۇركىستان - ادالدىق الاڭى» جوبالىق كەڭسەسىنىڭ جاۋاپتى ماماندارى, حالىقتى جۇمىسپەن قامتۋ ورتالىعىنىڭ, دارىگەرلىك ساراپتاما جانە اۋرۋحانا ماماندارى, سالىق ورگاندارىنىڭ, جەرگىلىكتى ىشكى ىستەر ءبولىمى مەن جەرگىلىكتى بۇقارالىق اقپارات قۇرالدارىنىڭ وكىلدەرى قاتىستى.
شارا بارىسىندا 150-گە جۋىق ماقتاارالدىق تۇرعىندار
وزەكتى ماسەلەلەرى بويىنشا ءتيىستى مامانداردان جاۋاپتار الدى. قوعامدىق قابىلداۋدان سوڭ جۇمىسشى توپ مۇشەلەرى ماقتارال اۋدانى
اكىمىنىڭ اپپاراتىندا قورىتىندى جينالىس وتكىزىپ, قوعامدىق قابىلداۋ بارىسىندا
تۇسكەن ۇسىنىس-پىكىرلەر بويىنشا جۇمىس ىستەۋدى ءتيىستى مەكەمە باسشىلارىنا
تاپسىردى.
ايتا كەتەيىك, 2018 جىلعى 5 قازانداعى تۇڭعىش پرەزيدەنتتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋى اياسىندا, تۇركىستان وبلىسىندا ازاماتتاردىڭ مەملەكەتتىك بيلىك ينستيتۋتتارىنا سەنىمىن ارتتىرۋ, تۇرمىستىق جەمقورلىقتى جويۋ جانە سىبايلاس جەمقورلىقتى قابىلداماۋدىڭ قوعامدىق احۋالىن قالىپتاستىرۋ باعىتتارىندا «تۇركءىستان - ادالدىق الاڭى» جوبالىق كەڭسەسى قۇرىلعان بولاتىن.
جوبالىق كەڭسەنىڭ ماقساتى - جەرگىلىكتى اتقارۋشى ورگاندار مەن تۇرعىندار اراسىنداعى بايلانىستى جانداندىرۋ, ەلدى مەكەندەردەگى ءار ءتۇرلى سالالارداعى تۇيتكىلدى ماسەلەلەردى تالقىعا سالۋ ارقىلى شەشۋ جانە مەملەكەتتىك مەكەمەلەردىڭ اشىقتىعىن قامتاماسىز ەتۋ, قوعامنىڭ بيلىك ينستيتۋتتارىنا سەنىمىن جوعارلاتۋ, مەملەكەتتىك كورسەتىلەتىن قىزمەتتەردى وڭتايلاندىرۋ ارقىلى سىبايلاس جەمقورلىق تاۋەكەلدەرىن بولدىرماۋ جانە الدىن الۋعا باعىتتالعان.
