وسىعان بايلانىستى جارلىققا سول جەردە قول قويعاندا قازاق ەلى وركەنيەتتى ەل ەكەنىن الەم ەلدەرىنە كورسەتىپ, بارشامىز مارقايىپ قالىپ ەدىك.
پرەزيدەنت قاسىم-جومارت كەمەل ۇلى توقاەۆ 9 ماۋسىمدا پرەزيدەنت سايلاۋى وتەتىنىن حابارلاپ, ول سايلاۋدى اشىق, تازا وتكىزۋ ءوزىنىڭ بەرىك ۇستانىمى ەكەنىن تاعى دا بارشا حالىق الدىندا ايتىپ, دەموكراتيا, وركەنيەت, رۋحاني جاڭعىرۋ, جاڭارۋ جولىندا وتە ماڭىزدى اسۋدان اسۋعا شەشىنگەنىمىزدى كورسەتە ءبىلدى.
ءبىز باياعىداي تۇكپىردە جاتقان ەل ەمەسپىز. بىزدەر وركەنيەتتى ەلدەردىڭ ىشىندە ءوز جوعارى ورنىمىز بار ەلمىز. جوعارىدا ايتقاندارىم سونىڭ انىق دالەلى.
پرەزيدەنت قاسىم-جومارت توقاەۆ ايتقان اشىق, تازا سايلاۋ تەك قانا ونىڭ بەرىك ۇستانىمى بولماي, ەلىمىزدەگى سايلاۋعا قاتىساتىن ءاربىر ازاماتتىڭ دا بەرىك ۇستانىمى بولۋى كەرەك. بارلىق حالىق وسىنداي ىزگى ىسكە جۇمىلا كىرىسۋىمىز كەرەك.
كەنجەعالي ساعاديەۆ,
اكادەميك
