قالا اكىمى نۇرلىبەك ماشبەك ۇلى قالاداعى كوپ قاباتتى ۇيلەردىڭ سىرتقى تۇرپاتىن ساۋلەتتىك جانە ەستەتيكالىق تالاپتارعا سايكەستەندىرۋگە كومەكتەسۋ ءۇشىن جەرگىلىكتى قۇرىلىس كومپانيالارى باسشىلىعىنا وتىنىشپەن شىققان بولاتىن.
قالا كاسىپكەرلەرى بۇل ۇسىنىستى قابىل الىپ, تۋعان ولكەسىن اباتتاندىرۋعا كىرىسىپ كەتتى. وسى قايىرىمدى ازاماتتاردىڭ كومەگىمەن بىلتىر دا 100-گە جۋىق كوپ قاباتتى ءۇي تولىق جوندەۋدەن وتكەن بولاتىن.
بيىلعى جىلى وسى جۇمىستاردىڭ جالعاسى رەتىندە «سىر-انا» مونۋمەنتىنىڭ اۋماعى قايتا اباتتاندىرىلادى جانە قالانىڭ ەڭ باستى كوشەسى - نۇرسۇلتان نازارباەۆ داڭعىلىنىڭ بويىنان قالا تۇرعىندارى مەن قوناقتارىنىڭ سەرۋەندەۋىنە, جايلى دەمالۋىنا ىڭعايلى جاعداي جاسالعان اللەيا سالىناتىن بولادى.
جالپى, قىزىلوردا قالاسىنا ۇزاق ۋاقىتتان كەيىن كەلگەن قوناقتار قالانىڭ تەز وسكەنىنە, ساۋلەتىنىڭ ارتقانىنا جانە تازالىعىنا ءسۇيىنىشىن بىلدىرەدى.
